من صدقك إختي ... اشلون يعني داش على طمع أنا وأهلي .. معقول أنا بالأول كنت راح أوافق على مؤخر بما يعادل 55000 ريال علشان داش على طمع وأفكر أطلع من الزواج بعدين ببلاش؟؟؟؟؟ يعني أنا كتبت هالمؤخر على عمري عشان وأنا أدري إنه إذا مابيها راح ينخرب بيتي ؟؟؟؟؟

أنا كتبت هالمؤخر على عمري، ووافقت إني أعطيها مهر ما يعادل 25000 ريال، وأثثت البيت من مجاميعه على حسابي الخاص، (صج ما سويت حفلة عرس بس هي اللي ما كانت تبي عرس وفضلت تسافر شهر عسل على العرس)، وهي ما دفعت ولالالالالالالالا فلس. بس شرت جم غرض حق البيت والديكور والمطبخ والحمامات وخلاص !!!!! كل هذاااا سويته لأني كنت شارييييييها

بس انصدمت .. انصدمت لما شفتها عصبية وانصدمت لما شفتها ما تسمع الكلام وانصدمت لما شفتها ما تحب أهلي وانصدمت لما شفتهاتحب تمشي كل شي على كيفها وانصدمت من صوتها العالي وانصدمت مت تحكماتها ... وحاولت إني أتعايش مع الوضع الجديد .. بس ما أخبي عليكم أحيانا كنت أتعب وأستسلم .. بس أرد أقول هذي زوجتي وخليني أتحمل ... صحيح إنها كانت ترد تعتذر وتعترف إنها أخطت بس هم كانت تحط بعض اللوم علي وتقولي إنت ما تعرف تحتويني وإذا شفتني معصبة قولي كلمتين تريحني اخذني بحضنك وضمني ومادري شنو ... بس تعبت من كثر من تخطي وأرد أسامح تخطي وأرد أسامح تخطي وأرد أسامح ...... وصلت لدرجة إني خلالالالالالالالالالص ماااا قدرت أسامحها ولااني قادر أنسى اللي كانت تسويه مهما تغيرت أو تعدلت أو حاولت قمت أشوفها مثل ما هي لا راح تتغير ولا ينصلح حالها .... وقامت مهما تحاول ما أشوف غير إنسانة جرحت رجولتي وتبي تسيطر علي.

أنا أحس إني ماني مرتاح ببيتي، ماني قادر أجيب أهلي بأي وقت أبيه، ولاني قادر أجيب أصدقائي بأي وقت أبيه، ولاني قادر أنام براحتي، حسيت فجأة إن قلبي ضاق علي ومالي رغبة أكمل حياتي معاها ...

قعدت على هالحال لمدة سنة ونص ... وزادت علي الأعباء المادية مع أن هالأعباء بسبب الأثاث اللي جبته بالبيت والسفرة اللي سفرتها إياها بشهر العسل ... فليش ما تبي تساعدني أغطيهم !!!