السلام عليكم جميعا
بصراحة كثير حفزتوني اشارك معكم تجربتي مع الرجيم انا طولي 168 ووزني 68 ونفسي يوصل ل 60 وصراحة انا قبل فترة كنت حامل وما استمر الحمل بس وزني زاد بسرعة وصل 73 طبعا انا بسرعة ببين علي لهيك حاولت ارجع للرجيم بس الرجيم لحاله مو مفيد وليش الحكي كلنا بنكره الرياضة ..........
بس قبل فترة لقيت طريقة سريعة وسليمة لا وجسمي بشد من دون ترهل ....
في بالسوق كورن فليكس اسمه فيتنس والاحلى انه هادا الكورن فليكس نزل معاه cd رياضة مدته بس 20 دقيقة وهو بميل للرقص اكتر من الرياضة .... , وبصراحة اتبعت هادا النظام وهو كالاتي اول شي الصبح عالريق بشرب شاي اخضر انا بفضل الربيع بالنعناع وبعدها بنص ساعة الفطور وهو صحن من كورن فليكس فيتنيس وبعدها بساعة بعمل رياضة عال cd و طبعا ممنوع الاكل بعد الرياضة الا بساعة وساغتها بشرب شاي اخضر ووقت الغدا باكل شي خفيف وجنبه صحن سلطه كبير طبعا اذا اكلتي رز لا توكلي خبز ابدا بنفس اليوم واذا اكلتي معكرونة لا توكلي لا خبز ولا رز وطبعا ابتعدي عن المقالي تماما والشيبس والشوكولاة والغازيات .... وما توكلي بعد الساعة 8 الا لبن وانا افضل اكتيفيا واستمر بشرب الشاي الاخضر ولا تنسي شرب الماء طبعا قبل النوم بساعة اعملي رياضة نفس ال cd انا بصراحة طلع مع الكورن فليكس اثنين cd فبلعب الاثنين الصبح وواحد المسا وافضل اذا قدرتي تمشي يوم بعد يوم وكمان الرقص مين منا ما بحب الرقص ...صدقوني ما رح تحسو انكم بتعملو رجيم ابدا انا اول يومين حسيت الرياضة صعبة هلا انا حافظتها عغيب طبعا متل مالكل بعرف اول اسبوع من الرياضة ما بتنزلي ويمكن تزيدي كيلو بس بعدها بتنزلي بسرعة وحاولي كل اسبوع تكسري الرجيم وما تعملي رياضة ليوم عشان جسمك ما يتعود وصدقوني رح يعجبكم الموضوع
هلا بالنسبة للي ما بلاقي ال cd انا اذا المنتدى سمحلي ممكن اضيف ايميلي وابعت لكل حدا بحب برنامج الرياضة ....
انا صراحة نزلت لحد هلا 6 كيلو خلال 3 اسابيع بس طبعا جسمي باين علية لا ومع شد ....
وان شاء الله تعجبكم الفكرة اذا ما حبيتي تفطري كورن فليكس عادي افطري بيض مسلوق بس لاتوكلي ابدا زيت وزعتر لانع بدنا نبتعد عن الزيت ..........
ومشكورين