اقتباس:
|
سامحني حبيبي مادري ليش ما أحس إني مرتاحة لهم أحسهم ما يحبوني بس أنا أحبك إنت وأحس إنك غيرهم وهم ضايقوني وقالولي كلام ماهو حلو ويتدخلون بحياتي وعشان ما يكون فيه مشاكل وخلافات يا ريت لا تخليني أحتك معاهم وايد
|
أنا أشوف أسلوب هادي وإقناع
ماأشوف أي عصبية
ولغة التعميم ليت ماتستخدمها
بالنسبة للموظفات اللي يساعدون أزواجهم
أنا موظفة كل الموظفات اللي معي بالدوام مايطلعون ريال للبيت
اللي مقطعة نفسها اللي شايلة نفسها
والا الباقي حتى لها مصروف خاص لها
وبالنسبة للأهل
برضو لاتعمم
أهل زوجي من شهر ذي القعدة مادخلوا بيتي
صرنا نشيل لهم العشاء ببيتهم أريح لنا ولهم لأن بيتنا صغير وله قوانين>>نفس حالتكم بس الفرق أن زوجي هو اللي يصدرها مو أنا مثل الدخول بالجزم أو جزم الحمام والغرف مو كلها تكون مفتوحة فصرنا ننقل العشاء عندهم
إحنا مانرد هنا يعلم الله تعاطف مع طرف دون طرف ثاني
نرد لتوضيح الحق والواقع فقط
لاجل ماتندم بعدين وتقول أثاري الحريم سوا ويمكن تقول أسوء
لأنك وربي طايح على وحدة ماشاء الله تعتبر بالنسبة لغيرها شبه مثالية
ماتعرف الحريم شلون فيهم الوسخة وفيهم الباردة بالفراش وفيهم اللي ماتقيم لزوجها ذرة احترام وفيهم الطماعة وفيهم القبيحة وفيهم المهملة
وأنت ذكرت أنك تبي منها مبادرة
هي بادرت لما قالت برجع للمسكن
بس كانت محتاجة أمان
لو عطيته لها بتكون كسبان
ومعذورة لو فقدت الثقة اللي صار مو سهل وأنت عارف أنك غلطان
فليش تكابر
إحنا والله نبي الخير لكم إثنينكم ويمكن لك انت أكثر منها
لأنك وربي طايح على وحدة مو سهلة ماراح تعرف قدرها إلا لما تجرب غيرها
ولو تقرأ المشاكل هنا بتعرف
بس شوف الناس اللي حواليك اختك وأمك تلاقي بزوجتك مزايا ماهي موجودة فيهم
ياليت تكون موضوعي وتفكر بعلقك انت
أكتب قدامك سلبياتها وإيجابياتها
شف إذا فيه حلول للسلبيات
أكتب كمان سلبياتك وإيجابياتك
أجلسوا مع بعض وفكروا بحلول بدون أي حظوظ للنفس وتكونون ساعتها مروقين وكل واحد عنده الرغبة القوية بإصلاح الوضع
لو تفكرون بتفكير كلنا نفوز وكلنا لبعض بس نصلح من حياتنا لاجل تكون الأفضل
مو شرط يكون طرف خاسر
ولما الرسول صلى الله عليه وسلم قال خيرهما الذي يبدأ بالسلام كانت دعوة صريحة للتنازل لأجل الصلح وهالتنازل عطاه الرسول وسام الخيرية يعني أبدا مو خسارة