منتدى عالم الأسرة والمجتمع - عرض مشاركة واحدة - خايفة ومرتبكة من أول يوم دوام لي !!

31-05-2010, 07:28 PM

منت عاجبني

شيف المنتدى المتألقة

تاريخ التسجيل: Sep 2007

المشاركات: 1,615

اقتباس:

المشاركة الأصلية كتبت بواسطة noora

منت عاجبني راح اكون قاسية معاك شوي حبيبتي .. بس والله من محبتي لك في الله

و اعتبرك اختي و خايفة عليك ... فا لا تزعلي مني

افا عليج عزيزة وغالية .. أصلا ً آنا يبي لي من يشد علي شووي !
حتى زوجي تارك الأمر بيدي (هو مشجع فكرة إني أغيير جو بالشغل عن الملل) بس بنفس الوقت
لو قلت مابي اشتغل ! بقول خلاص على راحتج .. يعني مو مساعدني اتمسك بالفرصة الي وصلتني

اقتباس:

ببتدي بالجزء الاخير ... جزئية المزاجية ..

غاليتي .. اليوم انتي و زوجك فقط بالشقة .. و ممكن تمشوها حسب المزاج

لكن بكرة ان شاء الله ربي بيرزقك اطفال .و الاطفال مو لعب و ضحك و حضن و بوس و شيلوه مني

لا ياقلبي الاطفال 80 بالمية مسؤلية اذا مو اكثر .. . ايش بتسوي ..

لو طفلك قعد طول الليل يصيح ؟ بتقولي مالي مزاج اقوم اشوفه؟؟

اكله و رضاعه كل شوي .. تغييره و تحميمه .. الجري وراه .. تحمل بكاءه الي يجيب الصداع ..

ايش بتسوي بتقولي مالي نفس و مالي مزاج خذوه ؟؟

بكرة راح تزيد عليك المسؤليات . بيت و زوج و اطفال ..

لازم من الحين تعودي نفسك على ترك المزاجية جانبا و تحمل مسؤلياتك

الطبخ لازم تتعودي تطبخي كل يوم لك مزاج و الا ما عندك .. هذا اجباري . كلنا مانبي و ماعندنا مزاج نطبخ وونفخ و ننظف و

نربي لكن خلاص هذا واجبنا و دام اخترنا الزواج فالازم نلتزم بمسؤلياته ...

عودي نفسك من الحين اجبريها على عمل كلا شي و اي شي في اي وقت

و لا صدقيني راح تتعبي بعدين ...

اكيد لازم اعود نفسي على المسؤوليات وهذا الي صار .. إني عودت نفسي على مسؤولية الزواج
وبدأت اسوي كل واجباتي الزوجية ... ولكن بعد (بمزاج) !! وضعي ووضع زوجي يساعد بهالأمر !
يعني زوجي غايب من الصبح لليل , وما آكل معاه إلا وجبة وحدة !! وهي العشاء وقت الي مزاجي رايق بطبخ أحلى أكل وبدلعه واتفنن في التقديم ووقت الي متمللة نآكل أي شيء وخلاص !!
وأوقات هالمزاج يطوول بالأشهر ! بس زوجي عادي عنده ما يقول شيء وإذا صار خاطره في طبق او شيء يطلبه واسووويه اكيد ..
وايضا ً مسؤولية الشقة وترتيبها وتنظيفها والملابس ... بداية الزواج كنت اشتغل على مزاجي ..
لكن الحين الحمد لله تعدل الوضع وتحسن بكثييير ... يعني وايد اوقات انظف وامسح وآنا مالي مزاج

بالنسبة لمسؤولية الأطفال .. من زمان وأنا آحاتي هالمسؤولية ... !! لأن الطفل راح يكون بحضني 24/24 ساعة !! وآنا ما احس روحي قد هالشيء ابداً بسرعة اتملل واتضايق ..!!

والحمد لله شكله تأخير الحمل عندي حكمة عشان ادبر اموري اول واتخلص من المزاجية واصير قدها عشان الله يعطيني طفل ...
بس اكيد لا جى ولي العهد بصير كلامي غير ولا بشيله من حضني لا تخافين

آنا مابي اجيب اطفال واهملهم !!! مستحيييل .... ابي وقتي كله لهم

اقتباس:

اما بالنسبة لقلقك من العمل ..

فا طبيعي ياقلبي لانك مقبلة على شي جديد .. فا طبيعي تحسي بالخوف و القلق

بس بكرة ان شاء الله بتبتدي الدوام و و بتغيري رايك ..

فرصة ذهبية لا تتركيها .. على الاقل بتغيري من روتينيك شوي ..

بتاقبلي عالم ثاني و ناس جدد .. تتعرفي على اشياء جديدة

بتكسري روتينيك و تستفيدي من وقتك المهدور صباحا

و حتى لما يرجع زوجك بتلاقي انه فرص الحوار بينكم زادت كثييير

لانه في شي تحكي له عنه ...

و بعد فترة بيصير عليك صعب تتركي العمل و تقعدي بالبيت و بتذكري كلامي ..

الله يوفقك يارب و ينولك كل ما تتمني حبيبتي

إن شاء الله كل شيء يمشي على خير يارب
والله يسهل علي !! <~ حسيت روحي ادعي لوحدة بتولد !!

وهذا الحلوو بالسالفة بدل ما اقضي الصبح بالنوم والنت والتلفزيون اقضيه بالشغل
و6 ساعات شغل تمر إن شاء الله

نوووري حبيبي ... اشكر خوفك علي وتوبيخك

والله يعدي بكرة على خيير
وادعوا لي يعجبني الوضع بالشغل عشان اكمل

__________________

حموودي وأبو حمودي

الله يخليكم لي

شمعة تنور لي حياتي

ووردة تعطر لي دنيتي

احبكم 3>