اخوي قال لي طبعا رفضت .. قلت هو طردني من شقتي اذا يبغى يجي يشوفه هنا ...
قال اخوي حياك بيتنا تشوفه ...كان يدري ان اخوي بيطلع ..اخوي اصغر مني ماعندي اكبر مني
جت امه واقفه عالباب سلمت عليها بأدب قلت لها تفضلي قالت مستعجلين جيبي الولد
قلت لا مايطلع مع الباب اذا بتشوفونه حياكم معززين مكرمين ببيت ابوي قالت ابوه ومن حقه
قلت توه يتذكر ان عنده ولد ؟؟؟الحين صار من حقه ؟؟؟ماقلتو من قبل ان من حق الولد بعد ان ابوه يصرف عليه ؟؟ليه توكم تتذكرون الحين؟؟قالت انتي ماتردين عليه
اقول لها حلفتك بالله هو دق وانا مارديت؟؟؟هو ارسل مسج عالاقل (كيف الولد ؟ ) وانا مارديت عليه ؟
قالت لا ...بس انتي موراضيه يشوفه ...قلت لها هو طردني من الشقه
قالت طردك انتي بس مو ولده ..<<< لاتعليق
قلت انا مامنعته ابببببد انه يشوفه بس ببيت ابوي...مو هو اللي قال مالي تفاهم معك ؟؟
مو هو اللي قال روحي بيت ابوك ؟؟؟ اجل يشوفه هنا
المهم شوي كلمت ولدها الا جا مثل العصار معصصصب يقول يب ياخذه مني وطووول لسانه
تخيلو ببيت ابوي يقول لي ضفي وجهك ودخلي داخل موب طايق اشوفك
والله شين وقوي عين
المهم قلت لا مايطلع من هنا ... قال كيفي ...قلت ماامن عليه عندك تضربه زي ماضربتني
قال اربطك واضربك واضربه ومن حقي واذا ابوك مارباك انا اربيك وامه واقفه زي الصنم بس حدها تقول ترى بنشتكي عليكم والمره الجايه بنجي مع دوريه نشوفه ومن هالحكي
جلسو معه دقايق بعدين قال يلا يمه قومي لاعت كبدي ابغى اطلع
وامه تهذر انو حرام عليك خلينا ناخذه وبنرجعه الربوع والولد يبكي بيدهم اقول لهم توه ...متعلم علي
يخاف ينام بدوني...عمره 11 شهر بس ...صعبه ليلتين بدوني...امه تقول حمدي ربك هو مدلعك حط لك شقه <<< يعني بنات الناس بالشوارع ؟؟؟بديهي اللي تتزوج لها شقه وانا كاتبه من الشروط سكن مستقل
وبعدين تقول كلللل الناس حاااااااااسدينك عليه بوسي يدك وجه وقفا <<< يعني انا البايره وهو يدري اني اخترته على اثنين معه مالت علي من اختيار
وحنا بنزوجه وحده احسن منك واشرف منك <<< تخسون
تقول ليه مارضيتي تنقلين معه ليه مو راضيه ؟؟ اقول لها مو بكيفي مو بكييييييييييفي لازم اجيب بديل وانا بديل ماعندي والندب يوم جا هو رفض ..قال هو رفضت لانك انتي ماتبغين << سبحان الله
وكمل .. وجاتني وظيفه هنا وانتي اللي خفتي على فلوسك ومارضيتي ....
وانا والله والله قلت له بكيفك بس للامانه قلت له كيف بنصرف ؟؟
المهم اخر شي قال لامه لاتكلمين هالاشكال الزباله خلينا نطلع انا عصبت قلت له انا الزباله ياحقير ؟؟
كنت واقفه عالباب وهو مقفي ماشفته الا بيرجع انا كنت ماسكه الولد وابغى اهرب ادخل الصاله قلت خواتي في مابيدخل...
خواتي بالصاله كاشفات ...والشغاله ...دخل علي ومسكني مع شعري وانا خايفه عالولد لايطيح من يدي
رفسني ببطني انا من الالم طحت وابغى بنفس الوقت احمي ولدي اضطريت اني احميه بجسمي لايجيه شي ...وهو كان بكل قوووووته وبرجله يرفس والله لو يهوديه ماسوالها كذا
يشد شعري ويرفس وضرب بكل قوووته ويقول يااااااااااابنت الكلللللللللب الله يلعن امك سب في امي وابوي
مااحترم حرمة البيت ودخله بغيابهم ...
امه زي الصنم واقفه اللي رحمتني الشغاله جت وخواتي مع انهم كاشفات جو يبغونه يوقف بس مهما كان بنات مايقدرون يسوون شي
بعدها اخوي اللي اصغرررر مني جا كان نايم وباعده ...اخوي مسالم مساااااااااالم ماقال له شي
انا خلاص حسيت اني انتهيت ...ابغى اتحرك مو قادره ...وهو اسمعه يألف قصص برا على اخوي
يوم ثاني كلم اخوي يقول له قل لاختك قلها تاخذ اغراضها انا الشقه كنسلتها وباخذ الاثاث
طبعا انا عصبت قلت والله وققققح ماياخذ شي هو ماشرى شي كل اللي شراه مكيف الويندو والتلفزيون القديم اللي جابه من بيتهم فققققققققققط وكم صحن بالمطبخ
المهم تفاهمو هو واخوي انه يعطينا فرصه مو بنفس اليوم وهذاك رضا ...وقال له اخوي خذ اللي شريته وخل اللي لنا ...طبعا جواز ولدي معه مارضى يعطينا اياه ..
بعدها بيوم رحت الشقه اب اشوف وش سوو فيها
طبعا غرفتي مفتوحه والدواليب مبيييييين ان احد فاتحها وشايف اللي فيها ملابسي الداخليه وارواب النوم
وتخيلووووو ...
خلى اللي لي بس بعد ما خربه يعني زي الكنب شققو المخدات
وعدة المطبخ كللللللللها اخذوها مع انه ماشرى الا الصحون والملاعق ....حتى في مواعين من بيت اهلي اخذهم....تخيلو حتى الصابونه
الحمام ...وانتو بكرامه حتتتتى الفرشاة تبع المرحاض تكرمون اخذها ... حتى الشامبوهات انا شرايتها واللوشنات والشور جل هو مايعرف هالاشيا كلهم اخذهم ...حتى نعااااااااال الحمام وانتو بكرامه يعني عيب ليه الرزاله والبخل
حتى الكورن فلكس الحمد لله ربي واعواد الاذان والله والله حتى القصدير اخذوه عمرهم ماشافو خير
جلست افكررر خلاااص ذبحني التفكير ...صحيح ماسكته الهيئه ؟؟
اقول لا مستحيل ..بس لما اجلس افكر فيها ...اجل ليه ماجا اسبوع الاجازه وفضى الشقه لييييه الحين ؟؟
حتى شكله لما جى بيتنا كان مره مبهدل كنه سنه ماحلق
اختي تقول يمكن خافو يوصلنا خبر قالو نجي بسرعه نسوي اي سالفه علشان يقولون انو هم اللي مايبغونك مو انتي اللي ماتبغينهم علشان عرفتي سالفة الهيئه ..يعني يتغدون فينا قبل مانتعشى فيهم
ليه فجأه تذكرو الشقه وان عندهم ولد لازم يشوفونه ؟؟؟ وليه اختفو بعدها ؟؟
وبعدين جيته فجاه كذا وبسرعه حتى ماارتاح على طوووول وكيف امداه يمر على اهله... بالعاده يوصل عندي 8 ونص ..9 الا
هالمره ماجات 8 الا هو هنا ...تقول يمكن كافلينه وكانو معه طول هالاسبوع لان اخته بعد ساكنه هناك
وجاو بالمره معه ..
طبعا من بعدها اختفو ...
لا سألو عن الولد ... ولا حتى جابو طاريه .. هذا اسبوع رابع من السالفه ويييييييين اللي يقولون من حقنا ومن حقنا ...
اما سالفة الغيره....
هو من بداية خطوبتنا يقول لي ماابغاك تتغطين عن اخواني وخوالي وعمامي يعني عاي
اقول له مو متعوده استحي ...يقول تتعودين هذا فلانة زوجة خالي ماتتغطى
طبعا اذا اجتمعو قسم بالله اصير كني اصبع سادس خلااااااص مو مرتاااااحه
مره يوم كنت مملكه قال ولد خالي عازمنا عالعشا بالمطعم الفلاني ...قلت اوكي فرصه اتعرف على زوجته
طبعا لبست ورحت معه ووقفنا السياره وقبل ماانزل قال ترى كلنا على طاوله وحده
قلت لااااااا انتو لحال واحنا لحال قال لاتصيرين كذا خلك عادي .... والله خلااااص مو مرتاحه
تخيلو طاوله من اربع كراسي طبعا الطاوله مربعه ... انا ويميني زوجي ويساري زوجته
مين اللي بيكون بوجهي ؟؟؟؟؟؟؟!!!!!!!!!!! خلااااااص مو عارفه حتى اكل
وهو عااااااادي حز بخاطري
ومره قال اختي عازمتنا عالعشا ومن الحين بقول لك ترى على سفره وحده والله حتى مااخذ رايي
القهر ان امه كانت جنبنا اقول له استحي تقول لامه عاااااااادي زي اخوك
تخيلو هو واخته وزوج اخته سوالف وانا سااااااااااااااااااااكته فيني غبنه وهالكلام مو من بعيد يعني يمكن7 شهور
ومره صارت هووووشه معه الا يبغى نطلع رحله مع ولد خاله الزفت مال ابو المطعم ...انا كنت حامل وتعبااانه
قلت اوكي اذا تبغى نطلع نطلع ..قال كلنا بسياره وحده قلت لا هذي صعبه انت تدري انا ماارتاح مع احد وبرضه ظهري بسيارتنا عالاقل احط الخداديه او ارجع الكرسي ورا اما معاهم بستحي واصلا كراسي اللي ورا مايرجعون هذا غير اني مابقدر اتكلم وصارت هووووووووشه بعدها ولد خاله صار عنده ظرف وبطل
هذا غير الهندي اللي شافني وهو موجود هذي مابتكلم عنها لاني جلست ابكي عليها اسبوع
اما عن التطورات اللي الحين فــ
امي وابوي ماااااااااادرو ابد ابد ماقلت لهم اللي فيهم كافيهم
بلعت الهم بروحي وانا بطبعي كتووووومه مااحب اقول لاحد حتى خوياتي ماقلت لهم
كل يوم اروح الدوام وانا ارسم الابتسامه على شفاهي واسوي روحي ان مافيني شي وبس يخلى المكان تطيح دمعتي ...
لاتقولون خوالي وعمامي .... عمامي مالنا علاقه فيهم وخوالي ماابغى اشغلهم
انا بس كل ليله احط راسي عالمخده وولدي على ذراعي واناظر فيه ...احبه مووووت ومقدر اعيش دونه
وينه ابوك لما حبيت ثمن بديت تخطي ثمن طلع لك اول ضرس ..وينه ؟؟
لو تروح عني امووووت انت كلي كللللي
قل شسوي دونك ؟؟؟
احاتي بكره واللي بعده واللي بعده
كل يوم اروح دوامي وانا يدي على قلبي لا يجون ياخذونه وانا بعيده عنه
كل ليله عندي هم ... اقفل الباب مية قفل واناظر النوافذ وبس يرن التلفون قسم بالله قلبي يخفق
خايفه بكره لا جاو اهلي يلوموني ويغصبوني ارجع له
خايفه بعد بكره لو تطلقت بيكثر القيل والقال والكلام اللي يهد الحيل
خايفه من الايام .. لا كبر حبيبي قلبي وصار من حق ابوه انه ياخذه وانا صرت بروحي بدونه
خايفه من السنين ... لا كل واحد استقر ببيته وانا زوجت ولدي وظليت أغزل الهم بروحي
فضفضت كثيييييييييير
بس ارتحت ؟؟؟
مدري
اقلها فضفضت
اسفه طولت عليكم
التعديل الأخير تم بواسطة غلطتـــي انت ; 01-06-2010 الساعة 01:30 AM