عضو الهيئة الطبيبة -طبيبة تشخيص مخبري
تاريخ التسجيل: Jan 2010
المشاركات: 621
أختي برأيي أنك تاخدي رأي الفقهاء و تسألي عن فتوى في ذلك ،
يعني اسألي شخص له الصلاحية أنه يفتيلك بهالموضوع
هون كل عضو رح يختلف رأيه عن الآخر حسب كل واحد كيف عايش و كيف بنظر للموضوع
كتير أخوة شفتي كيف قالولك انك ترفضي
أما عن رأيي الشخصي كوني أعمل و غير منقبة نظرتي تختلف
أنا كتير مرات لما بجي من الشغل تعبانة و بشوف انو عندي شغل البيت لفوق راسي بتمنى كون ما بشتغل و بفكر و بتخيل اني انا ما بشتغل و قاهدة ببيتي و مرتاحة
بقول انو أديش انا بكون مريحة راسي، بنفس الوقت بحس حالي عم بتخلى عن واجب انا بقدر قوم فيه بأمانة و صدق أكتر من غيري مثلا ، و انو انا العلم الي جمعته و حصلت عليه خلال 28 سنة من عمري ضيعته في قعدة البيت و نسيته و كله تلاشى بدون ما فيد فيه أي حدا
شغلي بخليني دايما متواصلة مع العلم و عم باخد خبرة و مجبورة تابع
و هيك بكون عم فيد الناس و عم بقدم لمجتمعي و بلدي و لنفسي و أسرتي
التهرب من العمل بعد ما تعبت و درست بصراحة حسيته تهرب من المسؤولية و كسل
طالما عملك فيه تقديم لأسرتك و لمجتمعك أنا برأيي هو تعمير و ربنا قال
بسورة البقرة ((وَإِذْ قَالَ رَبُّكَ لِلْمَلاَئِكَةِ إِنِّي جَاعِلٌ فِي الأَرْضِ خَلِيفَة))
معنى ذلك : أن الله يسلم الإنسان زمام هذه الأرض ويكل إليه ابراز مشيئة الخالق في الإبداع والتعمير والتحليل والتركيب، وكشف ما في هذه الأرض من قوى وطاقات، وكنوز وخامات وتسخير هذا كله بإذن الله في المهمة الضخمة التي وكلها الله إليه، و هذا برأيي تكريم للانسان لما ربنا يقول للملائكة إني أعلم ما لا تعلمون في الآية نفسها
إذاً طالما عمالك لا يؤثر على أولادك و تربيتهم وواجباتك تجاه بيتك و زوجك فأكيد هو أفضل من قعدة البيت بدون عمل
و انا من ملاحظتي للنساء عنا الي قاعدات بالبيت، بشوف معظمهم - وليس الكل- عايشين بفراغ بهتموا بأشيا فارغة
و من الفراغ بتلاقيهم بهتموا بمتابعة الغير و الغيبة و نقل الكلام و التحدث عن فرش بنت فلانة و عرس فلانة و علاقة فلان بزوجته و التفزيون و البرامج السخيفة الي فيه
صدقيني انا -مثلا- ما بفضى افتح التلفزيون ولا بفضى زور فلانة و علانة يا دوب الواجبات و مو كلها
لما بتشتغلي بتضطري تهتمي بعملك و بعلمك و تنمي شخصيتك و تنتجي لأسرتك و لبلدك
حافظي على أدبك و جديتك و أخلاقك و لا تسمحي لحدا يتجاوز حدوده في الكلام معك ..
و أنا الي بعرفه هنالك حديث لا أحفظ نصه، فخواه أن الرسول (صلى الله عليه وسلم) عندما بلغت أسماء قال لها بأن تستر جسمها و أشار لها بأنه لا يجب أن يظهر من الفتاة الا الوجه و الكفين
أخيراً أعتذر عن اإطالة و أكرر هذا رأيي الشخصي أعبر عنه و ما حدا يزعل مني لو اختلفنا بالآراء
__________________
اللهم أرنا الحق حقاً و ارزقنا اتباعه و أرنا الباطل باطلاً و ارزقنا اجتنابه
التعديل الأخير تم بواسطة وردة بين الثلوج ; 05-06-2010 الساعة 05:38 PM