خذي مني نصيحة وخصوصا في اجواء العمل
التزمي بالنقاب فوالله ان الجميع راح يحترمونك احترام ما تصورينه .....كلمة اختي ما راح تفارق لسانهم راح تحسين انك مختلفة عن باقي البنات
عن نفسي لا افكر ان اتنازل عنه خصوصا في اجواء العمل لان يعطي خطوط حمراء للي اتعامل معاهم ...في عملي وفي الشركة اللي انا اعمل فيها انا الوحيدة بنقابي اول الايام كنت بصراحة اخجل لان شكلي شاذ صحيح المفروض اني ما افكر بهالطريقة لكني بشر يوسوسلي الشيطان باي طريقة ..
لكن بعد ما شفت الاحترام والمعاملة وكيف اذا كنت امشي يوقف الرجال على جنب والله يخليني اعتز فيه مليون مرة وما افكر اني اخلعه ابدا .....وربي يعطيني الثبات ان شاء الله
شوفي اختي اذا انتي قادرة على وسوسه الشيطان فاخلعيه بدون تبرج....لان لابد من ان ياتي لك يوم ويقولك الشيطان يووو في بقعه في وجهك حطي عليها بودرة وبعدها راح تتعودين انك تحطينها وشوي شوي مو حلو من غير كحل ويلا اليوم شويه كحل ولما تعجبي بنفسك اكثر راح تشوفي انك رايحة بكامل زينتك....نحنا بنات وفاهمين في هالامور
ونقطه ثانية مهمة وعفوا اني اصرح بها في جو العمل حتى لو كنتي محجبة ومحترمة وكل حاجة لكن لازم الرجل يظل يبحث عن شي يسليه ومو كل الرجال غاضين البصر ....يعني لو كنتي بالعباءة يحبون يركزون على تفاصيل الجسم مهما كان هم كذا الرجال صدقيني.... صدقيني النقاب استر لك يا اختي الكريمة عالاقل احنا مو ناقصين ذنوب في هالدنيا
اختي الكريمة
رزقك مافي احد في الدنيا راح ياخذه والمكتوب راح يصير والرزق بيد رب العالمين وعلى ماذا الخوف والوسوسة الوظيفة مكانها مليون كلها بتسخير من ربك .....اعطي الله ما يحب يعطيكي ما تحبين
__________________
