الله يعطيكم العافية والصحة ويغفر لكم اللهم آمين أسعدتوني بهالتواجد .. رغم تأخيره إلا إني حبيت مشاركتكم
أختي الغالية منت عاجبني الله يشفيج ويمن عليج بالعافية إنتِ والست الوالدة ربي يطيل بعمرها بالطاعة الإيمان
وبناءاً على إجاباتج أحب أقدم لك نتيجتج //
حصلتِ على 17 نقطة من أصل 28 نقطة وهذا يعني بأنكِ تتبعين ممارسات غذائية غير جيدة تزيد من حدة المرض .:
:
أختي العزيزة مرض ضغط الدم سهل تتحكمين فيه وإبدأي بس مجرد بداية مع حمية تناسب أكلكم
مثلاً مو شرط تستخدمين جبن سايل وعوّدي نفسج بالتدريج وقللــــي من إستخدامها يعني مو حرمان من أول مرة
وحببي نفسك في الأشيا المفيدة
مثل منتجات الحبوب الكاملة الرز الأسمر والخبز البر
زيدي السلطات في وجباتج
وبدلاً ما تحطين ملعقة أكل سكر حطي ثلاث أرباعها أو نص سكر ونص عسل وجذي عرفتِ يالغالية
لأن كل مرض يبدأ صغير وخفيف .. بالتدريج يكبر ويكبر ويجيب لج أمراض ثانية لها علاقة بالكلسترول و بالقلب
لأن الدم مرتبط إرتباط قوي بالقلب والجهاز الدوري والكلسترول ممكن يجيب تصلب شرايين لا قدر الله
بسبب زيادة الدهون في دمج من الأغذية الدهنية مثل الجبنة السايلة والزبدة والكاكاوات العالمية
فجأة تشوفين نفسج إنحرمتِ من أشياء غالية على قلبج بسبب المرض .. تحسين إنج إنحرمتِ من الراحة
من القوة والنشاط .. من القدرة على الشغل في البيت لو كنتِ متزوجة .. من الحمل لأن جسمج بيكون منهك من الحمل والشيء الجديد هذا
والدم ضغطه عالي ومو قاعد ينزل .. فـ تحسين يصير في صعوبة ومافي توزان وبتظلين تعبااااااانة طول فترة الحمل لا قدر الله
الله يشفيج ويعافيج نورتِ بهالرد غاليتي أتمنى قدمت لج شي يفيدج في حياتج وربي يوفقج
وأشكرج مرة ثانية .