والله ياحبيبتي مو مسالة ابي اطلع عيوبه والله حتى اهلي مااحكي لهم امي الي هي بيت الامان عندي ماودي اضيق صدرها لانهم والله ماكانوا موافقين على زواجي هذا من البداية فاهو اختياري وانا الي لازم اتحمل حسيت ان المنتدى فيه ناس تطيب الخاطر وتشرح الصدر مثلك وشرواك بغيت افضفض لاني بالاول والاخير ماعرف ولا احد فيكم ولافينا احد يعرف الثاني واخذ بمشورنكم ونصايحكم مافي احد متعلم ولا في احد يعرف يتصرف بكل اموره اكيد الانسان لا ضاق صدره وبلحظة زعله تغيب عنه الحكمة وينفد صبره
الشى الثاني يالغالية والله ثم والله ولاني مجبرة اني احلف لك لو بغيت اتزوج واحد من ديرتي غني كان تزوجته وتقدمولي كثير والله ياجداوية من جمعني فيك بدون ميعاد اني اخاف كل الخوف من الزواج بواحد غني لان الغني ماله قيود وبفلوسه يقدر يسوي الصعب والمستحيل غير هذا انه ملفت للنظر وعليه كل العيون وانا والله عمر ماكان هدفي المادة على قد ماكنت ابي اعيش بامان وبهدوء ومع زوج احس انه لي لوجدي وماتشاركني فيه وحدة ان شاء الله بنظرة
سالفة زواجي من سعودي مااقولك ان السعودي ملاك منزل من السما هو مجرد حلم بغيت عيالي يكون لهم اصل من ارض الحرمين لاني والله ياجداوية لوتشوفيني يوم اروح مكه والمدينة انسى امي جابتني وعلاقتي بارض الحرمين علاقة رضيع بصدر امه وتراب السعودية اعشقه ويكفي انها ارض الحرمين
فهمتيني حبيبتي؟
واسال الله انه يحقق لنا امانينا يرزقنا ذرية صالحة تهاب الله وتخافه وتؤمن به وبرسوله