لا حول ولا قوة الا بالله
يا ناس يا عالم انا بشر ليش نمشي دائما بالانتقاد المباشر مع ان الموضوع كله اني ما اخطيت في شي ابد تقبلت وجهات النظر
وبالنسبه للاخت نجمة الليل لو سمحتي وقسم بالله ماني رايق لنتقاداتك انتي ببالذات ورديت عليك بعقل ومنطق يعني ما اخذتي من كلامي الا الشين والزين رميتيه بحر
لوسمحتي اختي ما حطيت موضوعي عشان تجين تتريقين علي واذا نيتك تريقه ما اقول الا حسبنا الله ونعم الوكيل واذا انتي فعلا ناصحه بالخير قولي اي شي معقول
الله يجزاك خير اللي عطيتينا من وقتك الثمين عشان توجهين الانتقادات الاذعه لي انا مشكوره وماقصرتي
وجهة نظرك تقبلناها انا فعلا متناقض وش تبين بعد
واحب اعلمك شي واحد انا مو مطوع انا واحد شباب مثلي مثل غيري من الشباب انا ما قلت لك كامل في كل شي اكييد فيني عيوب والكامل وجهه سبحانه
لو سمحتي فيني هم لو وزعوه على المملكه كفاهم وفيني غبنه وقهر مالله به عليم
وانتي القويه اذا حبيتي تثبتين قوتك وانتي الحكيمه اذا كنتي تشوفين في الموضوع حكمه انتي كل شي
نصيحه لك (صراحتك الزايده وكلامك اللي ماله سنع ياليت لو تراجعينه شوي قبل لا تطلعينه لأن اسلوبك يطلع الواحد من طوره والله يصبر اهلك عليك)
اتمنى من الادارة اغلاق الموضوع بالكامل ولكم جزيل الشكر خلاص انا مليت من جد اسمع كلام لاذع من اعضاء كنت اتمنى انهم يفيدوني مو يوجهون كلام كالسهام لي مباشره
وانا ماشككت ولا واحد بالميه بزوجتي لكن برضوا موضوع لازم الواحد يفكر فيه ،،، لازم يفتح كل الابواب اللي قدامه عشان يعرف وين الخلل بالضبط
لأني جالس الان مدة شهر ونص افكر احاول اشغل نفسي بأي شي يسليني
والاخت سيكرتس الله لا يحطك بمكاني قولي امين ولا من يعز عليك وجميع اعضاء المنتدى
اعتذر من الجميع واتوقع النهاية قربت وبكره الطلاق لمن اهتم للأمر
كلمة شكر لمن استحق الشكر ومن اعطى من وقته الثمين لإعادتي لطريق الصواب
استغفر الله عدد ماكان وعدد ما يكون وعدد الهمسات وعدد السكون
سبحانك اللهم وبحمدك أشهد أن لا إله إلا أنت أستغفرك وأتوب اليك