المشاركة الأصلية كتبت بواسطة روح الطير

-----

أهلين نورة ،، ياليت تتابعي معاي الله يسعدك
لإنك في غربة مثلي و نفس نوعيات الأكلات اللي عندنا و كنت أدور عن الأشياء اللي قلتيها بردك

متابعة معاك حبيبتي ولا يهمك كم روح الطير عندنا



تعرفي إني انشغلت الترم هذا مع الدراسة ، يعني لو فضيت له السبت فرضا ، باقي الأٍسبوع الشغالة علشان تريح عمرها
عودته على أنظمة مادري كيف ؟؟؟؟ و يوم أسألها ، تقولي ما يبغى و زي كذا ؟؟؟؟ ما كانت كذا و كانت تهتم فيه أكثر مني
، بس من يوم تطمنت لها صارت تاخد راحتها .. الله يكفينا شرها ..

فقعت مرمراتي شغالتك هذه مادري كيف مستحملاها


المهم ، اليوم من الساعة 8 إلى 3 ما حط شئ في فمه غير العصيرات - حتى العصيرات هذه ما أحسها مفيدة ؟؟؟ -
و لقمتين من دجاج كنتاكي و حلاوة ؟؟؟؟ عملت له بيض ؟ قليت له بطاطس ؟ جهزت له عيش توست ؟؟؟؟ ما رضي يفتح
فمه و إذا أبوه غصبه يجلس يبكي

العصيرات حلوة وو يكفي انها تعوضه عن اي سوائل يفقدها بهذا الحر.. بس برضو كثرها يسد نفسه عن الاكل .. زي الاطفال الي يقضوا اليوم بشرب الحليب و بعدها يرفضو الاكل .. فالازم حتى العصير تقللي منه عشان يجوع


دحين أتقصد أخد شغلي للبيت و أجلس أذاكر في الصالة و كل شوي أشوف إيش أكل و إيش شرب ؟؟؟؟
بديت أنظم له الحلويات متى ياكلها و كم حبة و حتى العصيرات و كذا .. و حتى منعت الأندومي من البيت لحد ما يتنظم
أكله .. ياكل الأندومي كذا و هو ناشف مو مطبوخ ..

حلو كدا استمري

زي اليوم مثلا الصبح قلت لها ، قومي جهزي له فطور و راحت تبغى تعمل له فيش فينجر ، قلت لها لا تسوي له عالصبح ..
و رحت بنفسي و قليت له بيض و حمصت له التوست و ما أكلهم ؟؟؟؟؟؟؟

من الصبح فيش فينجر .. لااااااااااااااااااااا صدق صدق نرفزتني ... ياختي هذه عارفة انها جاية شغالة و لا على بالها جاية استجمام معاكم ؟؟


أدري هذا غلطي إني اعتمدت عليها ، بس بجدددددددددد ما كنت ألحق أحك شعر راسي و دوامي كان متعب يوميا
و دراستي كانت مو طبيعية ، و أستنى أسلم آخر مشروع للترم التاني في ذا الأسبوع .. و أبدأ أجمع قيمة تذكرة الشغالة
و أسفرها ،.

حبيبتي لا تقولي لي لاني ادري .. كيف الدراسة هنا .. مريت بنفس ظروفك .. اتزوجت باول سنة جامعة و حملت و خلفت .. بس انا حظي حلو اهلي كلهم هنا .. وولدي هو الحفيد الاول فا امي و خواتي اهتموا فيه كثييييير الله يجزاهم الخير ... كنت اروح محاضراتي و اتاخر و انا متطمنة اللهم لك الحمد

المهم ..
عجبتني الوصفات اللي حطيتيها ربي يسعدك و بأعملها له إن شاء الله ، لإنه هذا هو اللي أبحث عنه ،
و هو يجلس معاي و مع زوجي في السفرة ماشاء الله ، بس يجلس يتفرج علينا و ما ياكل

مجرد انه اتعود يقعد معاكم على الطاولة هذه بحد ذاتها حسنه .. حطي له صحن معاكم و احرصي انه يكون جوعان وقتها .... و لا تلتفتي له .. اقعدي كلمي ابو الشباب و كلي عادي و لا تبيني له انك مهتمة وهو لحاله بياكل صدقيني ... بيتعبك اول يومين لكن بعدين بيعرف انه مافي مفر اما ياكل او يظل جوعان فا راح ياكل ..على ما اتقد ابنك عمره 3 سنوات صح ؟ ماشاء الله يفهم كويس يعني.. رفضه للاكل اسلوب ضغظ عليكم عشان تجيبوا له اللي يبيه ... لكن لو بقيتم حازيمن ايش بيسوي ؟؟ مسيره بياكل

من جد ما أعرف كيف أعوده على إنه ياكل من أكلنا .. أبغى أبدأ خلاص من الأسبوع هذا ..
حتى كلامه ماشاء الله تحسن و صار ينطق عربي أفضل من قبل ،، لإني صرت أجلس معاه يوميا و أتكلم معها ..
و صاير أهدى من قبل و يسمع الكلام ،، و أبوه لاحظ إنه تحسن كثير ..

و الأسبوع الجاي أبغى أبدأ أعوده أشيل البامبرز الله يعزك ..

--------------------------------------------

إنت تقولي أغصبه ياكل من أكلنا ؟؟؟؟؟ يبكي و يقفل فمه ؟؟؟؟؟؟
شكلي أجرب بعد شوية ، أخليه ياكل غصب معنا ..