مشكلتي مع زوجي صارلها 11 سنة وبدون حل
السلام عليكم ورحمة الله وبركاته
يا اخوان احب ان اعرض عليكم مشكلتي الكبيرة مع زوجي اللي دامت 11 سنين وللحين مالقيتلها حل ومن كثر ما انا حايرة في هالموضوع ياليت اني القى مساعدة وحلول من عندكم باختصار :
زوجي يشرب خمر انسان سكير بعض الاحيان وقاسي المعاملة معاي ورغم انه مع اهله عادي ولطيف جدا ومن قساوته معاي انه يطلع من البيت وما اعرف وين يروح ويغيب ايام واسابيع من البيت ولما يرجع احصل في شنطته مشط وشعر نسائي واغراض حريمية ورغم هذا كله ينكر ويجيب ادلة مقنعة وانا بدوري اسكت عن الموضوع عشاني بيتي وعيالي .. وصارت كلمة الطلاق سهلة جدا عنده لدرجة اني اسمعها يوميا
وفي يوم اشتدت المشاكل معاه واضطريت اترك البيت واخذ عيالي معاي ولكن للاسف مالقيت اقبال منه او اهتمام لكن باصرار من اهله رجعني للبيت مرة ثانية
والحين انا خذيت موقف اني ما اعطيه ويه بس للاسف هو اللي زعل وسواها سالفة ومطنشني ويسمعني كلام بايخ وماخذ الموضوع باستهتار كبير
وفي هالحالة انا مب عارفة اتصرف وياه للعلم اني احبه وايد ومب قادرة اتركه واحس ان اصلاحه واجب عي انا لانه انسان طيب جدا لكن مشكلته معاي انا
شو الحل يا جماعة
مع العلم ان المناقشة مستمرة معاه ومافي فايدة