اقتباس:
المشاركة الأصلية كتبت بواسطة احلاهم واتحداكم
طبعا إذا كان هو الغلطان.. وجى يتكلم فيني.. وبدى هجوم علي ..أقول له:
صبر ياحبيبي.. خلصنا أول من موضوعك بعدين نفتح موضوع جديد يخصني.. لا تتوقع انك تقدر تتهرب من مشكلتك!!!
البارح قلتله قلت سبحان الله هذا طبعك حفظته لما نتنتاقش بشي تروح تدور لي غلط أو أي شي عشان
تصرف نفسك ونطلع منه ورده كالعاده لا أنتي ماتغلطين أنتي ملاك الغلط علي كله أنا وبس
وأكون حادة النبرة وهادية الأسلوب..
ــــــــــــــــــــــــــــ
لكن عموما أنا طبعي أحاول قدر الأمكان ماتطلع مني غلطة عشان ما أترك مجال للفجوة..
يعني 4 سنوات ولا مرررررررررررة غلطت عليه.. ومرة وحدة بس اللي قصرت معاه..
|
شوفي حبيبتي لو هو
غلط كان تقبلتها لكن تخيلي البارح نقاشنا كان عن أنه تغير وماصار يجلس معانا
أو يخرج معانا مثل أول وصار عصبي على الأولاد ويضربهم على أتفه شي وكنت أكلمه بكل أدب وذوق
((للتوضيح أنا من النوع العصبي أللي يضرب ويخاصم بس زوجي عمره ماكان كذا مهما سوو مستحيل يمد يده عليهم بالذات على أشيااااء تافهه))
وكان دايم يخاصمني لما أقوولهم شي أو أخاصمهم ماكأنهم أولادي لكن البارح يوم قلتله أنك صرت تضربهم
وقلتله صح أنا أضربهم وأعصب عليهم بس هذا طبعي ومو معنى كلامي هذا أني صح لأ أنا عارفه أني غلطانه بس المشكله أنت أللي كنت تخاصم وتزعل تغيرت صرت تضرب على أشياء تافهه ماتتصورين فحسيته أنقهر تخيلي أيش قال
انا بعد فتره مسافره لأهلي قاااللي:الله يعين أجل لو رحتي عند أهلك أيش بتسويين فيهم !!!!!!
أنا أنصدمت من كلمته هذي قلت أيش قصدك ؟؟
يعني أنت ماتأمني على أولادي؟؟
وفرضاً أنا ماتأتمني على أولادي !!!!!!!
تتوقع أهلي بيرضون أسوي فيهم شي ؟؟
الا أن ككان قصدك أنا وأهلي بنتعاون في ضربهم وتعذيبهم طبعاً سكت لأنه حس أنه خبص؟؟
بعدين قلتله طيب مادامك ما تأتمني عليهم كيف تقدرتخرج وتخليني معاهم يعني لو بسوي شي من باب أولى بسويه وأنا وحدي مو عند أهلي ألا اذا كان قصدك شي ثاني؟؟
كان رده أدعي ربي أنه يحفظهم أنا وقتها طرطعت ؟؟
قلت أنت من جدك ؟؟
قال شوفي سؤالك أنتي ؟؟
يعني يبغى يطلعني غلطانه
بالنهايه قلتله سبحان الله عرفت اسلوبك تدور لشي يأثر على نفسيتيي وتشغلني به وتحاول تشككني بنفسي عشان تطلع من السالفه !!!!!!
لأني أول كنت أتاثر ؟؟
لكن البارح قلتله لاتحسب أنك أثرت فيه بكلامك هذا وشككتني بنفسي أنا أدرى بأسلوبي مع أولادي وقلبي أحن من قلبك بمليون مره
بس أللي زعلني وصدمني هو أسلوبك هذا أبداً ماتوقعتك كذا؟؟
وقمت من عنده ودموعي على خدي تخيلي أب يشكك فيك على أولادك وانه مايستأمني أنا أمهم عليهم ؟؟
بالله مو شي مؤلم حتى ولو أني متأكده مليون مره أنه كلام بس عشان يطلع هو صح وأنا غلطانه !!!!!!
طلع كم مره حاول يراضيني لكن ماكلمته ليش كذا أيش سويتله عشان يقول الكلام الكبير هذا !!!!!
تكلمت كثير بس عشان أوضحلك السالفه 
أشكرك حبيبتي أحلاهم وأتحداهم الله يسعدك ويحفظ لك زوجك وأبنك من كل شر
__________________
أشتقت لكم جداً 💔