سلام الله عليكم..كيفكم؟؟ان شالله تمام..
بصراحة ما عرفت وين اكتب موضوعي
..المهم متل ما مبين بالعنوان رح ازكركم عن اهم الاشياء اللي لازم نعملها قبل السفر ..اكيد الاغلب منا نازل اجازة و تاركين بيوتنا فترة..
المهم رح ابداء ب

المطبخ:بس نضف المطبخ و نجلي و نرجع الجلي و نشطف تحت التلاجة و الطاولة (طبعا كلو بالديتول) لازم نتاكد من بالوعة (المصرف) المطبخ انها مسكرة منيح..ممكن نستخدم الورق المخصص لتجليد كتب المدرسة..قصي مربع و لصقيه حتى ما يكون في مجال للفاران..
((مرة لئيت فضلات الفار في المطبخ طالع من البلوعة))..

و ضعي بعض كرات النفتلين في خزاين المطبخ و تحت التلاجة..تاكدي انك سكرتي المروحة و الشباك منيح و ازا كانت الغسالة بالمطبخ ضعي بفتحة تصريف المياه بعض القصدير.احسن ما يفوت شي.

**اما بالنسبة للتلاجة ازا الكهرباء رح تبقى ضعي فيها قليل من الفحم و حاولي ان لا تتركي دجاج و لحوم..مرة صار عطل كهربائي و انقطعت الكهرباء و كل اللحوم دودت و كانت ريحة البيت دمااااار..المهم ازا عندك لحوم اعطيها للجيران.

غرفة الجلوس:تاكدي انك نضفتي الكنب و تحت الوسائد و تحت الكنب و انصحك مسح الكنب بقليل من ماء دافئ و جل العملاق لتعقيمها.و ضعي قليل من النفتلين بين الوسائد لاعطاء رائحة جميلة تبعد الحشرات و الرطوبة (عندي حساسية من الحشراااااات كتير بخاف منهم)
و تاكدي من اغلاق الشبابيك و امسحس سكة الشباك بالديتول.تاكدي ان جميع سلات النفايات خالية من الاوساخ و بواقي الطعام و حفاضات البيبي..

الحمامات
..بعد تنظيف الحمامات اغليقي التواليت بعد وضع فيه القليل من الفلفل الاسود و السبب ان الفأران تخاف من رائحته..و ضعي شي ثقيل على التواليت و البالوعة (المصرف)
و اغليقي المياه جيدا و المروحة

غرف النوم:
ابقي الستائر مفتوحة لسماح الشمس الدخول و اغلقي الشبابيك باحكام..لا تنسي وضع التفتلين تحت التخت..بالنسبة لي احب مفعولة جدا.

بعض النصائح:ابقي كل الغرف مغلقة الابواب
ازا كان عندك نباتات اعطيها للجيران
افصلي التيار الكهربائي
تاكدي من التخلص من كل القمامة
ضعي القليل من بودرة طاردة النمل على حفف الشبابيك و الابواب من الخارج
شغلي القران و ادعو الله ان يحفظ بيتك بغيابك

ارجو ان اكون افدتكم و ازا في نصائح تانية ياريت تشاركونا
اجازة ممتعة


.