في الاتحاد قوة
سؤال واحد بس أرجوك كن صادق مع نفسك وجاوبه..
هل بفتحك هالموضوع أنت فعلا محتاج المشورة؟
إذا نعم
ليش ماتسمع للأعضاء اللي ردوا عليك من قبل..
ليس تحاول تنسف أرائهم
كلنا بهالمنتدى مجرد أعضاء مانعرف بعض
بس نتناصح ونتبادل خبرات..
عطوك خبرتهم
مع أن الرجال قليل قليل جدا يقحمون أنفسهم بهالمواضيع
ومع ذلك عطوك خلاصة تجاربهم وأنصفوك من خلال طرحك أنت للقضية
أتمنى تقرأ ردي للنهاية وتركز
راح نتناقش بسلبيات زوجتك سلبية سلبية:
اقتباس:
|
شديدة العصبية إذا ما لم يعجبها شيئ معين قد تصل أحيانا إلى التجريح بالكلام وتكسير الصحون نادرا إذا اشتد النقاش, الإصرار على الذهاب إلى أهلها عندما تكون في أشد حالاتها العصبية ولكن تعود بعد بضع ساعات
|
ذكرت من إيجابياتها
اقتباس:
|
خفيفة الدم, مرحة, حنونة،متواضعة, طيبة القلب
|
هذا يعني إن لحظات العصبية ليست مسيطرة على حياتها هذا أولا
الشيء الثاني لاجل نكون منصفين أيش اللي يسبب العصبية بالضبط؟!!
كل إنسان وله طاقة للتحمل بعدها خلاص ينفجر
راجع نفسك زين وخلك موضوعي هي ليش تعصب برغم كل طيبة قلبها وحنانها!
طيب لنفترض جدلا انها تعصب لكاعة مو هي وعدتك انها تتغير
إذا
كانت تحبك و
كانت مستعدة تتغير يعني فيه مبادرة علاج نحياتها بس لازم تتعترف أنك صديت هالمحاولة منها
,
اقتباس:
|
عنيدة, لا تحب الإحتكاك بأهلك كثيرا
|
هل كانت كذا من البداية؟؟
طبعا لا
ليش مانكون عقلاني وتشوف أطراف القضية كلها
أنا اعترف انه فيه زوجات كذا طبعهم ماعندهم عشرية بس زوجتك وبشهادتك ماكانت كذا
ومازالت مستمسة بحسن العشرة لهم بدليل
اقتباس:
|
أما إذا رحنا عندهم البيت، عادي زوجتي تضحك معاهم وتساعدهم وتسوي الغدا معاهم وتلعب معاهم. ونفس الشي إذا جو عندنا البيت
|
بالنسبة لقوانينها فبيتها للعلم كل الي أعرفهم كذا
يعني لما يجي يعزم الزوج أهله يستأذن زوجته علشان تعطيه الموعد المناسب وتجهز بيتها وتستعد لاستقبالهم
مو البيت لهم كلهم ، مو الزواج اتحاد وشراكة..مو هي اللي بستقبلهم وتضيفهم وتضحك معهم وتبض وجهك مو هي بشر لها وعليها
ليش تبيها نكرة لا لها راي ولا قانون
وبعدين من حقها تطلب الخصوصية
أكيد الغرف اللي ماتحب يدخلوها فيها أشياء خاصة لها ويمكن أهلك من النوع اللي مايحترمون الخصوصية والا لشيء ثاني
بس علشان تستوعب احنا ليه نحافظ على الخصوصية أنا لما يجون أهل زوجي عندنا مااحب يدخلون المطبخ لسبب بسيط ومستحيل اوصله لزوجي أنهم لو يشوفون شيء جديد يناقشوني فيه ليه شريتي وعندك ومين اللي شراه انت والا زوجك وقائمة عريضة فأنا أتضايق من دخولهم المطبخ بصراحة لهالسبب هي أكيد لها أسبابها ويمكن سمعتها منها ويمكن ماسمعتها
اقتباس:
|
لأنها لا ترتاح لهم ولا تحب زياراتهم المتكررة ولا تحب مبيتهم عندك في البيت بحجة الخصوصية
|
من حقها إذا الشيء زاد عن حده
,
اقتباس:
|
لازم تحدد معاها موعد قبل زيارتهم،تتنرفز إذا تجول أهلك بالبيت أو دشوا المطبخ تكرمون بالنعال,
|
أكيد مو أنت صاحب البيت وهي اللي صاحبة البيت برضو
مو هي اللي بتطبخ وتنظف وتستقبل وتبشبش
اقتباس:
|
, لا تحب مشاركتك في مصروف البيت بل تطلب مصروف لها فوق معاشها.
|
طبعا ماهي شرعا لها حق النفقة
مو قلت بأحد ردودك مايهمك لو أخذت وحدة مو موظفة خلاص اعتبرها مو موظفة وارتاح من هالتفكير
أنت محتاج تفكر بحيادية
مو الغلط راكبها سواء بمشاكلكم الخاصة
أو بمشاكل أهلك
عموما الحين الفيصل بيكون عند القاضي
ربي يسهل اموركم ويكتب لكم اللي فيه الخير يارب