أعانك الله يا اختي

أنا رديت في موضوع طرحتيه ومو كنت عارفة كل ظروفج ياريت لو لنج دمجتي الموضوعين مع بعض

شخصيتج هي نتاج عدم التشجيع من قبل أهلج والمتمثلين في حرمة ابوج والوالد

انتي انسانة واعية ومعتمدة على نفسج وطيبة وتكونين صداقات مو معدومة الصداقات لو انج شاكة في النوايا يعني استانسي عزيزتي فيج صفات حلوة

بعدين الثقة في النفس شي مكتسب لازم مع الوقت تدربين نفسج عليه وفيه وااايد مقالات وتمارين على الانترنت في كيفية التعامل مع الناس واكتساب الثقة بس ها الأمور ما تصير في يوم وليلة يعني يبالها طولة بال

شي ثاني عزيزتي لا تشككين في كل صداقة تمرين فيها راح تتعبين مثل ما هو واضح ونفسيتج راح تتعب أكثر وأكثر ...تعرفي وصادقي بس دايما كوني حذرة بس لا تقطعين أصدقائج لازم فيوم راح تكتشفين من هو الصديق الحقيقي اللي راح يظل معاج

وشي أخير عزيزتي ... تقربي من الوالد وصادقيه وحاولي تصادقين زوجته مو عشان سواد عينها مثلا لكن عشان يكون ضميرج مرتاح وغير مرهق ...لا تعيرين لرايها اي اهتمام الا اذا كان في مصلحتج

وأيضا شي آخر نسيته : تراضي مع ذاتك وحبي نفسج وامدحيها اذا سويت اي شي بطريقة صحيحة واهتمي لحالج

هذا اللي اقدر أقوله ...وربي يصلح حالج

__________________
الظلال تمد ايديها لنا !
هل يا ترى تكون ارفق علينا من الضوء؟