كلامك حلو .. لكن أتصور مستحيل يتطبق..


لأنه كل واحد له طبيعه خاصة بتكوينه..


مثلا زوجي ( حنون.. طيب.. خلوق..حكيم.. جاد.. هادئ ..بعض الأحيان فرفوش..)

أنا ( إجتماعية.. حكيمة.. ونيسة.. فرفوشة.. خفيفة ظل.. بعض المرات أميل للجدية..)


يعني إلا حد ما متقاربين .. لكننا مستحيل نمارس الصداقة اللي ذكرتيها!!!


لأنه سوالف الحريم غير عن سوالف الرجال..


الرجال كلامهم: الدوامات ومشاكلها.. الشوارع وزحمتها.. كرة القدم وبرامج التحليلات الرياضية..
الأنظمة والقوانين.. السياسة..


الحريم : حش بالشغالات.. رجة العيال.. الطبخ.. فناتق الحلويات.. الأسواق .. التخفيضات..
فلانة زوجها تزوج عليها وووووو الخ .. قصص مأساوية..

ــــــــــــــــــــــــــــــــــــــــــــ

((صديق يوازينا في الفكر والثقافة و الهوايات ))


شوفي الواقع.. أصدقاء مختلفين بالهوايات والثقافة لكنهم أصدقاء.. ينبسطون مع بعض وهرجتهم مشتركة.. وياخذون ويعطون.. ومايملون من بعض.. وودهم 24 ساعة يتقابلون..


بينما الأزواج .. أبي أتكلم عن الزوج.. خلال اليوم مثلا عند 6 ساعات فراغ.. شلون يحب يقضيها؟؟

وده ساعتين مع زوجته .. و4 ساعات مع أصحابه.. لأن وناسته أكثر عند أصحابه..

ــــــــــــــــــــــــــــــــــــ


هل أنتي ودك تحل زوجته محل أصدقائه!!!

مستحــــــــــــــــيـــل..


صحيح أنا عارفة مستحيل يستغني عن زوجته

يعني ممكن تكون بالنسبة له كل شي( زوجته .. وحبيبته.. وأمه.. وأبوه..وصديقته.. وأم عياله)

لكن مو الصداقة اللي تتكلمين عنها..


صديق يمسح عنا الهم والحزن ..نلتجأ اليه اذا واجهتنا ظروف الحياة القاسية وإذا وقعنا في المشاكل



بالنسبه للكلام هذا عادي .. إذا واجهتني مشكلة ممكن اروح لزوجي وأشكيه وأفضفض له..
وهو نفس الشي.. ماله دخل بالصداقة..

لكن مو كل مشكلة تصير اروح له ويطفش مني ويحس أنه ماوراي غير المشاكل..

وسلامتك..

__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))