دوامي الجديد نصفه عوانس
منذ عدة اشهر انتقلت الى قسم اخر في الوزارة التي اعمل بها
حيث تم ترشيحي للعمل فيها بمنصب اعلى
وبعد تردد واستخارة وافقت
وكنت شايلة هم اول يوم عمل في الدوام الجديد
وطبعا كالعادة اول سؤال من الموظفات والزميلات هي "هل انتي متزوجة؟"
والله حسيت بمغص في بطني واقول في نفسي ياربي لاتخربون علي فرحتي بالمنصب الجديد
ليه تحسسوني بالنقص وزاد احساسي بالنقص عندما سألتني وحدة من الموظفات اذا نبي نناديك اشرايك نقول لك ام فلان احسن( طبعا قصدها اني كبيرة بالعمر ومو حلوة ينادوني باسمي )
قلت لها ناديني باسمي احسن
طبعا كل هذا وللحين ماشافوا شكلي( لاني منقبة)
بعد مدة جلست افطر معاهم واكيد نزلت نقابي وياليتني ما نزلت
حسسوني بالنقص اكثر
حراااام وحدة مثلك للحين ماتزوجت وبدأت اسئلة الشك
اكيد اكيد فيه سبب
تضااايقت حيل وقلت شسالفة ما فيه غيري في هذا لدوام مو متزوجة؟؟؟
تفاجأت بالرد
وجدت أن نصف الموظفات تقريبا غير متزوجات وبعمر كبير بعضهم في اواخر الثلاثينات والبعض في اواخرالاربعينات
والله ما ادري ليه فرحت
بأسولف لكم بعدها كيف تجمعنا احنا الغير متزوجات وشنو شعورنا