مساء الخير يا قمرات و عسولات و سكرات و كل حاجة حلوة

بجد كلكم نعم الاخوات بس الله ما شاء الله عليكم ربنا يحميكم و يفرح قلبكم يااااااااا رب



انا داخلة اتطمن عليكم و انا كل حاجة فيه سليمة بس لوحدها على راى سعيد صالح
النهاردة جاية اشيل كريم الظاهر وطيت غلط ظهرى قفش و بيقت ماشية ملوية
و كمان عندى وجع فى الرحم و المبيض شبه وجع التبويض كان الرحم مكلبش جوا و الدكتور كتبلى على مغنسيوم و قالى دا من اربطة الرحم
بس انا مش حاسة بتقدم خالص و ربنا يسترها
عندى هسهس ان الدكتور حيولدنى فى الشهر السابع لان رحمى مش حيستحمل يمدد اكتر من كدة
انا بفتى طبعا هو مقالش كدة بس انا مش عارفة من اول ما حملت و قلت فى نفسى ان دا احتمال وارد
المهم دعواتكم معايا


يورنا حبيبة قلبى انا مبسوطة طبعا لوجود بنت كمان فى البيت - ان شاء الله - بس انا بجد استغربت فرحة جوزى جدا مش عارفة هو عاوز بنت قوى و لا عاوز ولد و بنت
المهم الحمد لله على عطايا ربنا
اما بالنسبة للشريط بجد انا اخر مرة حاولت اعمله لكن كان مينفعش عندى غير سطرين بس فمش عارفة اشيل الآية القرآنية اللى فيها اسم كريم ولا دعائى ليكم و الاتنين صعبين على نفسى انى اشيلهم

فاان بطلب من كريستالا انها تشوفلى الموضوع دا و تخلى الادارى تسمحلى بسطر كمان احط فيه شريط الحمل و حتى بعد ما اولد ان شاء الله يشيلوه تانى و ارجع سطرين



كريستالا
اولا الحمد لله على سلامتك مامتك و الست دى المفروض تبطل تروح لبنان كل ما تروح تتعب
انا لو منها ايأس و مروحهاش تانى
ثااااااااااااانيا

يا وغدة الساعتين خلصو خلاص فين نتيجة التحليل حموتك على فكرة



جولى ربنا يتملك على خير يا رب و ترجعى بالف سلامة


زرافة انا شايفة تفتحى الموضوع مع جوزك على طول ايه المشكلة انتو الاول ربنا كرمكم بحقن و عملتوه تانى
قوليله انا عاوزة اجيب اخ او اخت لبنتى يالا نعمل حقن تانى و اتكلمى فى الموضوع كانك بتقوليله تعال ننزل نشترى جبنة من عند البقال
ربنا يكرمك و يرزقك من واسع فضله يا رب




بنات انا زعلانة من نفسى انى مش عارفة اتواجد معاكم ذى الاول بجد الموضوع دا مضايقنى جدا جدا
و ارجوكم تسامحونى فى تقصيرى دا بس بجد مش بايدى خالص
و ان شاء الله انا ناوية ارجع الكويت تانى اول اغسطس ربنا يسهلى كل امر عسير


حلومة الف مبورك على البيبى الجديد و اللى حيجى و انتى البيبى اللى بعدهم على طول
يالا شدى حيلك


باقى البنات بحبكم فى الله




رب لا تذرنا فردا و انت خير الوارثين

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة