المشاركة الأصلية كتبت بواسطة همس 2009

المشاركة الأصلية كتبت بواسطة noora

المشاركة الأصلية كتبت بواسطة احلاهم واتحداكم

عشان تفهمون السالفة .. لازم تكونون في الصورة من جميع الجوانب..

أول شي: زوجي من النوع اللي مايعلق خير شر.. لازم أنا أسأله عشان أعرف راية..

مثلا : سويت شعري كيرلي , مستحيل يقول حركااااات.. شنو هالزين ؟؟ لا مستحيل

لازم أقوله ها وش رايك بشعري اليوم ؟

يقول : حلو

أقول طيب أيهو أحلى الستريت ولا الكيرلي.. يقولي كلللللهم حلوين.. وعشان يحمي نفسه يقول:
( ياعمري مو شعرك اللي يحليك أنتي اللي تحلين شعرك.. سواء ستريت ولا كيرلي))
عشان ما أعاتبه.. هذا نوع من أنواع كيد الرجال..


المهم..

الشي الثاني: أنا غرفة نومي بني غامق.. ومو عاجبني اللون.. فحبيت أكسر النظام الكلاسك الكئيب ..
لنظام مفرفش شوي..

فـ حطيت قطعة سجاد برتقالي.. أكسسوارات برتقالي.. مفرش السرير برتقالي.. أبجورة برتقالي..
كرسي التسريحة برتقالي .. وصارت الغرفة روووووووووعة..المهم شافها زوجي وعجبته مرة..


في يوم من الأيام .. لقيت فصوص كرستال لونها برتقالي بشنطة الخياطة.. وعجبتني..وطرت في بالي فكرة.. وهو اني ألصق كرستالتين على خدي..

ولصقتها وطلع شكلي مرررررررررررة كيوت..

جا زوجي.. حطيت الغدا وكان الغدا عبارة عن مكرونة سباقتي مع الصلصة..


فجأة.. وأنا قاعدة أكل .. زوجي عينه بوجهي قال : حركاااات صايرة طقم مع غرفة النوم:14:

بيني وبين نفسي قلت : أخيرا لفت نظره..أخيرا أنتصرت .. أخيرا خليته يتكلم..

وأنا فرحانة وكلي حيا أبي أسمع زيادة.. قلت شلون ؟!

قال فمك كله ملطخ من صلصة المكروووووووونة..

قلت : ماااالت عليك .. حسبالي تتغزل بالكرستالات اللي فرحانه فيها.. أثاريك منت حولي..

وعلى طول أعطيته منديل أبيض.. وقلت له مسح شواربك وشوف .. اللي تحت السواهي دواهي..

كلنا طقم مع غرفة النوم..

عاد بعدها هو اللي أنحرج..