ياام فوز الف سلامك عليك واسم فوز حلو لانه يذكرني بالدكتوره فوزيه الدريع وانا من اشد المعجبين بها وبعدين هادي بنتك وهي اكيد بتكون حلوه زي امها ايا كان اسمها وكلامك جدا حلو ومن واقع الحياه للاسف الناس يقولوا كلام يكسر خاطر الواحد احيانا بدون اهتمام بمشاعره زي مره اختي اللي هي اقرب انسانه مني مره كنت اكلمها وقالت ان في السوق ملابس حلوه ليه ماتروحي بعدين ضحكت وقالت نسيت انك انتي ماعندك فلوس وكانت عباراتها بكل وقاحه بدون ماتراعي مشاعري حتى اهل زوجي الله يسامحهم مره جوني وكنت وقتها مشتريه لوحه جديده ومعلقتها في المجلس تخيلي اش قالوا وكان زوجي جالس اش هادا مي حلوه شيلوها ورجعوا اللوحه القديمه اللي هم جابوها فصار بعدها زوجي ادا جيت اخد شي يقول مو حلو ويختار هوه صار يشوف ان زوقي مو حلو حتى اسم اولادي اللي هم فرحة عمري اهلو هم اللي اختاروه بينما بنتهم يخلوها تختار الاسم اللي يعجبها خليها على الله يااختي حتى اهلي اللي هم اقرب الناس يقولوا احيانا كلام بدون مايفكروا بمشاعري الله يصبرنا بس