محتاجة أشتغل
السلام عليكم جميعا
أنا امرأة متزوجة وعندي 3 أطفال والحمد لله وحياتي مع زوجي مستقرة وهادئه
مشكلتي انني امرأة جامعية وطول سنوات الدراسة في المدرسة والجامعة من الأوائل والمتفوقين ولي تقريبا 4 سنوات أحاول الحصول على عمل مناسب ولكن بلا فائدة يعني حاسة إنو الدنيا مسكرة بوجهي
بصحى من النوم كل يوم حاسة بضيق ودائما في حالة انتظار إنو أي أحد يحكي معي للشغل بس مليت هالحياة كلها .. مع أنو أولادي لسة صغار وبحاجة إلي معهم بالبيت بس مش قادرة ألغي فكرة الشغل من بالي وهذا الشي اللي تاعبني .. وحالتنا المادية الحمد لله ممتازة يعني اذا بدي أشتغل مشان أطلع وأسلى نفسي وأثبت حالي
حاولت بكل الطرق إني ألاقي شغل بس عبث .. دايما أدعي وأستغفر لعل وعسى ربنا يستجيب.
مش عارفة شو أعمل .. هل أنا غلطانة إني حابة أشتغل وأولادي صغار وكيف أشيل فكرة الشغل من بالي حتى أعرف أعيش حياتي بشكل طبيعي ؟؟؟؟؟