شوفي حبيبتي
آخر مرة حكيتو عالانترنت متل ماقلتلكم كان كتير معصب
وكنت بيومها باعتلوو مسج اني بدي روح مشوار ( لان هوي مانعني روح اي مكان من دون ماخبروو وكمان مابيخليني اظهر كتير مع اهلي يعني بدو ياني كون بالبيت وخلص واذا بدي اطلع ممكن مرة بالاسبوع مش اكتر )
و ع فكرة منعني اني اخرج مع صحباتي ومنعني اني احكيهم عالانترنت بليل
قام بعتلي مسج وقلي اعملي هيك وهيك هونيك
مابقدر اكتب شو هوي هالشي بس كان موافق
قمت بعتلو قلتلوو اكيد روح يعني ؟؟ بدي اتأكد قام مابعتلي ولا شي
انا قلت خلص اكيد مادام كتبلي شو بدي اعمل هونيك يعني موافق ورحت
حكاني بعد مارجعت وكان كتير معصب قلي ليش رحتي ؟؟ انا بعتلك مسج قلتلك لا تروحي
قلتلوو كيف هيك ؟؟ لكان شو كان قصدك لما قلتلي اعملي هيك وهيك هونيك ؟؟
قلي اي انا بعدين بعتلك مسج وقلتلك لاتروحي وطبعا هالمسج ماوصلني
المهم صار مشكلة بالموضوع وظل معصب هوي ولما انا عصبت قلي ماتحاكيني بهالطريقة وصرت ابكي بعدين تركني وسكر الخط لانو عصب لاني بكيت
رجعت اتصلت عليه قلتلووو شو بك ومعقولة هيك تتركني واساسا انا مش عاملي شي غلط !!!
قلي انا مريض وتعبان مشان هيك كنت معصب
بعدين بعد هي المشكلة قام كلما يتصل يقولي اني بحكي كتير بالتلفووون واني مابصدق انو يتصل مشان اقعد احكي معووو طيب اكيد هيك مش هوي خطيبي قلتلووو اكيد لاني بحبك وبحب اني احكي معك بس انا بيني وبين نفسي كتير خجلانه وزعلانه لانو مابيصير يقول هيك لخطيبتوو اذا كان فعلا مهتم فيها مابيسمعها هيك كلام!! يعني المفروض يتصل لانو حابب يتصل مش لأنو مجبوور يتصل !!!
بعدين شوي شوي بدت الاتصالات تخف الى ان وصلت قبل خمس ايام خلاص بطل يتصل
اليوم بعتلوو مسج وقلتلوو صايرلك شي ؟؟ في شي انا مابعرفوو ؟؟ ليش هيك متغير
قلي انا مريض هلاْ ومش عم روح للشغل
بعدين قام بعتلي مسج يراضيني فيه يمكن حس انو مافي سبب مقتع يخليه يبتعد هيك انا بصراحة ماجاوبتوو لاني خلص مليت اساسا ما المفروض هيك يعاملني واما ماعملتوو شي
قام اتصل !!!!
اول شي قلي ياه هااااا شوفي انا اتصلت فيكي !! شو بدك كمان !!! هوي قالها بطريقة مزح طبعا
انا قلتلوو لا منك مجبور تتصل خلص انهي المكالمة اذا بدك
قلي ليه !! اصلا انا منيح مني اني خبطتك !!!!! يعني انا لازم اسكت وارضى لانووو عمل خير فيي لانو خطبني !! ومافيني طالبوو بشي تاني لانو عامل خير فيي !!!! هوي طبعا كلووو كلاموو كان بيقولو بطريقة مزح بس مابعتقد ان في بنت ترضى هيك مزح !!
لما سألتو انت وين قال عند صديقي !! يعني صديقوو عم يسمع هالحكي هاد !!! انا لما سمعتو هيك عم بيقول كتير عصبت
وقام يحكيني بعدين انو هوي كتير مشتاق ومن هالكلام الي خلص مابعتقد انو يفيد لانو عم بيقولو بس هيك
قمت قلتلوو خلص انت مريض وتعبان وعند صديقك هلا وانا خلص مابدي طول عليك بالمكالمة لاني قررت اني ماراح طول معك بالمكالمات من هون ورايح قام قلي شوووو هالتغيير ليش هيك غريبي منك !!! وخلص انهينا المكالمة
سوري كتبت كثير بس مالي غير الله وغيركم انكم تقولولي شو بدي اعمل !!! ومين الغلطان !! ياريت انا كون غلطاني بتمنى حتى اسكت وماضلني فكر ليش هوي هيك صاير معي
واذا هوي غلطان قولولي شو بدي اعمل معووو ؟؟؟ وكيف بدي اتصرف
والله ماكتبت الموضوع غير لاني بدي نكون مرتاحين واذا في مشكلة مني حلها عالسريع
بلييييييييييييييييييز اي حدى يشوف الموضوع خليه يعطيني وجهة نظروووو مشان الله