عزيزتي هدي اعصابج ترا المشاكل ما تنحل في وقت واحد يبالها صبر
انتي منفعلة من زوجج الله يهديه بس ما عليه اصبري هنا وان شاء الله راح تحصلين الجواب اللي يريحج بس انتي هدي اعصابج وخليج ويانا واسكتي عن زوجج ها الفترة
ما ذكرتي في موضوعج غير سلبيات ريلج :
لسانه وسخ ويغلط عليج وايد
عصبي ما يتفاهم وشكله قلقل صبر
ما يحب اهلج ويمنعج من زيارة اهلج
ما يعبد ربه (يعني مقصر بالصلاة ولا ما يصلي أبد!)
انزين عزيزتي انتي عايشة معاه 3 سنين ونص معقولة ما فيه ولا حسنة ؟ اذكري حسناته وايجابياته هنا ولو كانت تافهة في نظرج
وبعد اذكري متى بدأت الخلافات بينكم يعني من سنة سنتين او من بداية الزواج ؟
وهل عندكم أطفال ؟
__________________
الظلال تمد ايديها لنا !
هل يا ترى تكون ارفق علينا من الضوء؟