بقولك من تجربتي .. و الحمدلله علاقتي بام زوجي حلوة

بالعكس .. دايما توصي زوجي علي لدرجة اذا سمعته يقول بتزوج عليك

من باب المزح طبعا تصرخ عليه و تاخذ لي حقي


شوفي .. اهم شي زي ماقالت ندى .. الاحترام

لا تعلي صوتك عليها ابدا مهما صار و مهما سوت و اعتبريها بمقام امك ..
لا تنتقديها طبعا و لا تعلقي على طبخها او لبسها او تصرفاتها ابدا حتى لو على سبيل المزح ..

اذا شفتي منها تصرف اغضبك او زعجك لا تشتكي لاي احد ... لانه صدقيني الكلام يتناقل و بيوصل لها و بيوصل مع بعض الزيادات كمان.. حتى لا تشتكي لابنها لانها بالنهاية امه و ما بيقدر يوقف بوجهها .. فا راعي هذه النقطة ...

اذا كانت في مجلس نساء و انتي دخلتي على طول روح لعندها و سلمي على راسها و اساليها عن احوالها حتى لو كنتي شفتيها قبلها بيوم ..
من الحاجات الي برضو تعجبهم .. اذا كنتو بجمعة خلي عينك عليها كل فترة و فترة و شوفي اذا محتاجة شي.. مثلا كوباية ماي .. او تجيبي لها شي او تشيلي منها شي


كيف تهتمي فيها ...
اهديها الهدايا .. و مو شرط تكون هدايا غالية .. و انما نوعي ... ممكن بالعيد الصغير و الكبير تهديها شي حلو و غالي .. و بقية السنة .. ممكن من ضمن كلامكم تعرفي ايش ناقصها او اي محتاجة و تشتريه لها ..
اذا طلعتي السوق .. اشتري لها شيلة او اي غرض و قول لها شفته و قلت اكيد بيطلع رووعة على عمتي ...

اذا كنتو ساكنين بسكن واحد .. ساعديها باعمال المنزل على قدر ما تستطيعي
لا تسيبيها اغل الوقت و تدخلي غرفتك و تقولي خلاص كملت شغلي
لا بعد ما تكملي شغلك سوي شاي و اجلسوا سوا و سولفوا باي مواضيع
لما تصحي الصبح سلمي عليها و قبل ما تروحي تنامي صبحي عليها ..

اذا كنتو عايشين منفصلين .. دايما اسالي عنها بالتلفون و شوفي اخبارها و لو محتاجة شي .. حثي زوجك انه يتصل فيها دايما و ذكريه يجيب لها هدايا او يعطيها فلوس ولو كانت مش محتاجة .ز بس جبر خاطر ..

اذا طلعتي مع زوجك تتعشو برى .. اشتري لها وجبة ووديها لها و قولي لها اشتهيت لك هذا الطبق ..
ولو مرة بالشهر طلعوها معاكم تشم هواء ...

لا تتدخلي ابدا بين زوجك و امه .. لا في المشاكل و لا في غيره
و لا تكوني مع طرف ضد طرف .. اهتمي بزوجك جيدا
فاالحماة تفرح لما تشوف زوجة ابنها تهتم بابنها و تراعيه و تهتم بكافة اموره ..
ممكن كمان تطبخي بالبيت و تعزميها ...

باختصار .. شوفي كيف تحبي زوجة اخوك تعامل امك... و طبقيه مع ام زوجك

الله يوفقك

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله