السلام عليكم

بنات اشتقت لكم جدا اليومين الماضين وكنت بادعى لكم دايما

انا كنت متنومة فى المستشفى ال48 ساعة الماضية من مغص كلوى الله لاااااااااااااااا يوريكم 48 ساعة بأعض فى الأرض من شدة الالم وما نفع معايا اى مسكن ولا محاليل الا بعد يومين والله العظيم كأنى كنت أرى الموت وكل الدكاترة كانوا محتارين لأنهم ادونى كل الادوية الى تنفع فى الحملومكنتش بتجيب اى نتيجة طول اليومين الماضيين والحمد لله خرجت امبارح بالليل وماشية على العلاج وصحتى احسن
بيجينى الالم على فترات الان واقل من الاول بكثير الحمد لله

صراحة كنت فى كرب شديد من شدة الالم من ناحية والحمل من ناحية اخرى

ولكن رب ضارة نافعة
تنويمى فى المستشفى خلانى تحت ملاحظة دكتورة النساء وعلى طول كانوا بيطمونا على البيبى

وسبحان الله مش هتصدقوا اخر سونار عملتوا لقيت الجنين عمره 6 أسابيع و6 أيام
الكلام ده كان اول امبارح يعنى سبحان الله فجأة رجعت الحسابات طبيعى والتأخر طفيف جدا بالمقارنة باخر سونار عملته الاسبوع الماضى فى مركز الاشعة زى ما قلت لكم

صراحة انا كنت بأستودعه ولا فكرت ايه معنى اللخبطة فى الحسابات ده ولا ليه كبر فجأة (زوجى ربنا يهديه فى عز المى لما عرف عمر الجنين قال لى كويس يمكن الهرمونات الى ادوهالك ده نفخت الجنين وكبر بسرعة زى الفراخ البيضا بتاعت اليومين دول)

المهم انى الحمد لله احسن الان والبيبى بخير وحبيت اطمنكم زى ما قلقتكم على

باقى حاجة واحدة بس تدعوهالى ربنا يعينى على السكر فى الحمل وكمان انا فى التحاليل الى حللوهالى طلع عندى نسبة من نسب الروماتيزم موجب والله المستعان وكمان سرعة الترسيب زيادة اكثر من 120 عن الطبيعى

بس الدكاترة قالوا ممكن الحمل هو الى ملخبط كل حاجة عندى بس طبعا مفيش اى علاج هيتاخد الا لما اقوم بالسلامة ان شاء الله وربنا يعيننى والله عظمى حسه ان بلدوزر ماشى عليه ولازم اول ما اصحى منزلش رجلى على الارض مرة واحدة والا كعب رجلى يفضل مؤلمنى طول اليوم

معلش انا حكيت لكم قصة حياتى كلها بس حبيت اعرفكم عن اخبارى التفصيلية لان مش كل يوم اقدر اتكلم باستفاضة كدا

بحبكم ودعيت لكم وانا مريضة كتير وانتم كمان ادعولى

__________________