.. العزيــــزة .. ( ام فارس ) ..
.. انا أتفق مع الاخ الكريم ( عزوبي ) .. بكل كلمه ..
.. فارس عرف نقطة ضعفك أنتي وابوه , وعرف انه لما يبكي , تتحقق كل طلباته ورغباته ..
لذلك صار ( دلوع ) وعلى أقل سبب يبكي !!
.. الحل يا عزيزتي .. انك تطنشيه لما يبكي .. وتكملي الا أنتي تسويه , ولا تعطيه اي مجال انه يضغط عليك , لانه راح يرفع
نبرة البكاء اذا شافك مطنشته , ما عليك منه , أستمري وطنشيه , ولا كأنك تسمعي احد يبكي ,, بعدها راح يقلل من البكاء ..
.. والأهم أنك تحاولي تعلميه انه ما يتحسس من الآخرين ويجي يتشكى .. يعني لما يجي من الروضه ويتشكى انه فلان دفني , او ضربني , قولي له ( انت قوي يا فارس , وقلبك أبيض وطيوب , واكيد انت سامحته , وشوف ما صار لك شيء , لانك قوي وشطور , وتحب الناس ) ..
ترى بنتي عمرها 8 سنوات , ومثل أبنك تتشكى , لكني أطنشها , وقل عندها التشكي .. الا في الامور القويه جدا خخخخخ
.. ودائما تحاول تستميلني ببكائها , واطنشها , الين ف[I]مت انها بالبكاء ماراح تحصل على شيء , وانها لازم تجي وتتكلم وتقول شنو فيها وشنو تبي , والحوار هو الافضل من البكاء والتشكي ,, والحمد لله تغيرت وايد ..
..وكمان في نقطه , انك لا تطلبي من فارس انه يجلس بنبرة قويه , او بصراخ , قوليها له بهدوء , واذا بكى طنشيه ..
وهو بعد فتره راح يصير غير , وراح يقل الدلع منه , ويصير يسمع الكلام ومن غير ما يبكي ..
.. الله يحفظه لك من كل شر .. وتشوفيه سعيد بحياته ..
__________________
.. كــونوا أحــرار في دنيــاكم ..