منتدى عالم الأسرة والمجتمع - عرض مشاركة واحدة

04-07-2010, 05:33 PM

الورده زينب

موقوف

تاريخ التسجيل: Jun 2010

المشاركات: 379

اتخيلوا ناوي يذبحني هذااا !! يكرهني صدقوني ! يكرهني !!!

ليش آآنه اشسويت له ؟؟

وفوق هذا اهله يقولون إن آنه امعذبته !! آنه ذابحته !!

لأنهم مايدرون ب المستور يقول لهم بس اللي آنه اسويه له واضايقه

مايقول لهم آنه ليش اضايقه !!

متصل في ابوي يقول له ... " ابي ترد لي المهر واللي خسرناه على العرس " !!!

آآخ يررربي حدددي مقهوره اشدعوه اللي خذته يسميه مهررر !!!

حتى المصروف ابوي يعطيني كل شهر من 50 دينار لي فوووق !!!

وماخذ منه شي !

ومره اجبرني ان اتصل في امي واقول لها ابي 100 دينار يعني 1000 ريال !!

بس ما اتصلت فيها ودبرتها آآنه ب نفسي وعطيتها اياه !!

آآنه ابجي على حظي الردي اللي طيحني مع جذي اشكال

وتلوموني يوم كنت اقول لكم ان اشتاق حق حضن امي وابوووي

ودي لووو ارجع ياااهل ب بطن اميييييي اتخشني وتحميني من الدنيا

..

اقتباس:

.. واذا وااابد حابته ومو قادره تعيشين بدونه أرجعي بشروطج أنتي مو بشروطه ..

.. انه يحترمج , ويحترم زواجكم , ويقطع علاقته مع حبيبته !!!

.. يقلل من تاخره بره البيت ..

.. ما يمد يده عليج ..

.. يعتذر لاهلج عن الكلام الا قله عنكم

من صجج ؟؟ عبالج ما قلت له ؟؟ قلت له لا تسوي كل هذا !!

مارضى والقهر تدرين شيقول لي ؟؟

يقول لي انتي ظلمتيني وآنه باحصل اجر من ورااااج !!

وابوي قبل شوي كلمني قال لي لا تفكرين ان باضيق عليج احنا ناس متفتحين بالعكس لج حريتج كامل

وانا ادري ان ذي تجربه بتفيدج !!

معقولة ما يحس ؟؟

يعني اتهقون انه ماعمره حبني ؟؟

لهدرجه بايعني ؟؟؟؟؟؟؟؟؟؟؟؟؟؟؟؟

ما اقدر ارجع له .. وكرامتي اللي دستها من قبل معقولة ارجع ادوس عليها مرة ثانية ؟؟ مااقدر !!!

بس مادري شاقول لكم .. احس ب الندم ان ما طعت اهليييييييي

هذي يزاتي ... استاهل اكثررررررررر استااهل اكثررررررر من هذا لأني ماطعتهم ولا سمعت نصايحهم