ماعندي اهتمام او ماعندي همه
السلام عليكم ورحمة الله وبركاته
جراكم الله خير الجزاء على هذا الموقع الرائع والمفيد اسأل الله ان يبارك فيكم
,,,,,,,,,,,,,,,,,,,,,,,,,,,,,,
عندي مشكله بس مدري هذا مكانها او لا
على كلن
مشكلي اني انسان ماعندي اهتمام تقدر تقولون اني بااارد
مدري كيف اشرح مشكلتي
واحس اني انسان ماعندي جدول في حياته
طلبات اهلي طبعا اقوم فيها ولله الحمد ماقصر فيها ابد
بس شي لنفسي اتكييسل فيه
مع العلم اني اول قبل تقريبا 5سنوات كنت احسن من كذا بألف مره
مثلا بارد في عملي مع ان عملي هو عملي الخاص اجي كل يوم متأخر وعلي ديون وحالتي حاله مابتكر مافكر يعني ماشي على نمط واحد
برضز احس اني انسان اتكاااااالي مرره
مثلا بعض الاحيان ابي اسوي شي اقول ايه خل فلان يسويه وان ماسواه اقول ايه بكيفه موب لازم
وان فكرت بشي يفيدني بعملي اتكييييسل ولا اسويه
ودي اشد على نفسي والله تعبت تعبت تعبت احيان احس اني ابي ابكي من حالي
بس ماقدر اسوي شي كل مانويت اسوي شي اتكيسل اقول موب لازم
يعني مثلا لاجاء فتره شديت على نفسي اتحمس لي اسبوع وابرد واصير اردا من اول
في قلبي كلالالام كثير بس مدري شلون اوصله
لاتقلولون الحل بيدك انا عارف انه بيدي بعد الله بس برضو مدري كيف اطلع الحل اني اصير انسان مهتم وحار وانتج واسوي
مشكله اني مثل ماقلت اتحمس لي فتره وارجع اردا من اول
احيانا تجيني احس بطاقه قويه افكر وانتج واسوي شغلات يعبجون فيها كثير من الناس بس يمكن تجيني ذا الحاله بسنه مرتين
شغله ثانيه تذكرتها اني مثلا ودي اتزوج والزواج يبي له فلوس مفروض اني اجمع لكن احس ودي اتزوج لكلن بنفس الوقت مافيه همه مابي اني اكون بارد
شغله ثانيه اني احس اني ضغيف شخصيه امممم ربما اقول ان احس مالي كلمه مدرري كيف اوضحها
ماقول هذا الي عندي كله بس يمكن مع الحل او المناقشه يمكن اطلع الي في قلبي كله
صراحه انا تعبت من وضعي ذا لكن الله ان شاء الله يساعدني
ابي من الله ثم منكم المشوره والحل
على فكره انا شاب عمري22 اعزب
والسلام عليكم ورحمة الله وبركاته