عزيزتي نورا

هالأيام مواضيعك مش ولا بد

فتحتي علينا المواجع

شي أبنائنا ضاعوا شي عالوحام

كلها تجيب الكآبة

الله يرضى عليك الموضوع الجاي بدنا شي رومنسي أو حتى طبخة على أصولها بس سهلة

ههههههههههه شحاتة وتتشرط

المهم أختي

رح أتحفك بتجربة حياتي

أنا مثل رسيل

أدخل المستشفى وأصاب بالجفاف واعيش على المحاليل

وفي عمر كانت زيادة الحمل عندي 3 كيلو فقط

وفي سحاب 4 كيلو

والله يانورا بابا لما كنت أتوحم في سحاب عنده بالسعودية

وأبو عمر كان في ألمانيا عنده مشروع التخرج

على قد ماحملني من الحمام للغرفة لأنو بعد ماأستفرغ أكرمك الله أدوخ وينخفض ضغطي ويغمى علي

فتلاقي الوالد طاير عم يحملني من هنا وياخدني لهنا

مرة من المرات بعد ماوضعني على السريع قال لي :

بس تولدي أنا بنفسي رح آخدك الدكتورة تركبلك لولب هههههههههه

عموما أنا وحامي كوالدتي بالزبط

وعلى قولة حماتي وهي صديقة الوالدة من قبل مانولد نحن

إنو ماما لما كانت تولد بأختي الكبيرة كانت تدفع عشان الولادة وبنفس الوقت تستفرغ

حتى الدكتور بألمانيا لما دخلت المستشفى بشهري الثامن بسبب الوحام وكان عندي جفاف

قال لي إنتي أول حالة تمر علي إلى الآن وحامها ماراح

شو بدي قول لقول على وحامي

أبو عمر ماأطيق ريحته ولا حتى أستحمل أشوفه مطلعلي كراعينه

لازم يكون لابس ثوب او بيجامة طويلة وإلا استفرغ

لازم ماينظرلي بنظرات إعجاب أو حتى حنان على طول غثيان وبعدها القيء

فعلا أنا حملي بمعنى الكلمة كارثة

حتى أبو عمر محروم من أي حق له عندي

يعني فيك تقولي خلال حملي بطفلي خلال التسع أشهر

يعني ممكن خمس مرات أو ستة هي اللي أخذ فيها حقه

ومع ذلك ماشاء الله لاقوة إلا بالله :14:

كان هو إنسان متفهم وللغاية

ودائما مايردد علي قائلا : فترة وحتعدي

واللي في بطنك ابني زي ماهو ابنك

ومثل ماانتي متحملة التعب الجسدي أنا متحمل التعب النفسي

والحياة مشاركة

ماتعرفي يمكن بكرى يتطور العلم ويحمل الرجل وأتوحم فيك يعني مارح تتحمليني هههههههه

بس بنفس الوقت كنت أول ماأشعر إني متحسنة أقوم أنظف بيتي وأطبخ لزوجي

والله مرة من المرات رجع من الجامعة ليلاقيني مغمى علي أمام حوض الجلي

قاعدة أجلي وأنظف لأنو عموما وضعي يكون بغيابه أحس من وجوده ههههههههه

عالعموم وبعد كل هالثرثرة

أجد أن هذه الفترة العصيبة بدها تحمل من الطرفين

هو يراعي وهي تشعر بقيمة مراعاته وتحاول أن تهتم به بكل فرصة سانحة

وكما قال أبو عمر الحياة الزوجية مشاركة

وفي معلومة كتير مهمة

بالله عليك يانورة إنتي جاوبي وبصدق

يعني تلاقي الوحدة فينا تتوحم في زوجها تسع شهور

وبعد ذلك تلاقيها تولد وتغيب أربعين يوم عند أهلها بحجة النفاس

يعني مافيها تتنفس عند زوجها

أنا أشوف هالفترة دلع ومالها داعي

بالنسبة لي أنا أول ماأشد حيلي بعد الولادة أقوم بواجباتي المنزلية والزوجية على أكمل وجه

حتى إني في سحاب بعد 3 أيام من الولادة كنت قاعدة أنظف بيبيتي

طبعا هالشيء غلط مافي وحدة نفاس تشتغل

بس أشوف الوحدة ترتاح أسبوع وبعدها تقدر على شغل خفيف بالبيت وطبخ واهتمام بنفسها وبزوجها

مافي داعي تهجر زوجها شهر وعشر أيام على عادات مالها داعي

طبعا هذا رأي الخاص وهذا ماأفعله انا مع زوجي

وتلاقيه بالفعل يشعر بالإمتنان إني ماأقصر بحقه بمجرد ماأولد

وأن الفترة الماضية كانت بالفعل من تأثير الحمل

وليس دلع والتهرب من المسؤولية

^^^^^^^^^^^^^^ ياويل حالي قديش حكيت

بس بعرف كلامي على قلبك متل العسل هههههههه

نورا شكرا كثير عالموضوع الرائع اللي خلاني أهرب من مللي وألاقي مين أحكي معه

^^^^^^ أصلا باين الطفش

دمتي وأسرتك في حفظ الرحمن

تحياتي