اقتباس:
المشاركة الأصلية كتبت بواسطة ياقلبي أبتسم
كنت قويه وبتضلين قويه بأذن اللي ماتنام عينه
أنا سجلت بس عشان ارد عليك
قصتك مشابهه قصتي بس تدرين وش تفرق؟
أنتي أفضل مني بمليون مره تدرين ليه؟
أنتي عمرك 25 سنه أنا عمري 30 سنه
أنتي مدرسه ماشاء الله وأنا سادس أبتدائي هذي شهادتي
أنتي جميله الله يحفظك أنا مافيني جمال ولاذره ويمكن فيني شوي عيوب
أنتي ماعمرك عرفتي الشات أنا عرفتها وبغيت أضيع منها وكنت أكلم شباب وماشيه بطريق الأنحراف من عقب ماكنت القدوه لأخواتي
أنتي أمك تحس فيك وتسئلك أذا تبين يرفضون خاطب أختك أنا محد معبرني ولا لي أي كلمه كني جدار حالي من حال التحف
شفتي الفرق بينك وبيني !!!!!
أختي أصغر مني بـ 9 سنوات وكل يوم يجيها خاطب وأنا محد دق بابي من كان عمري 20 سنه كانوا يبغوني عيال عمي وأمي رفضتهم
والحين أنا عااانس وعاله على المجتمع والموت أرحم لي ماعاد يدق بابي غير متزوج وشايب والا مطلق وفيه عيوب
تدرين كل مايجي خاطب توه ماحدد من يبغى أقسم بالله تجيني ضيقه أكره الحياة ودي أنتحر أعرف أنه لأختي مو لي
وأختي الكبيره متزوجه تحطمني دايم قبل يقرر الخاطب لمين هي تجي تقول ماشاء الله جاي خاطب لفلانه تقصد أختي اللي اصغر مني كأني أنا خلاص صرت بسلة المهملات مايفكرون فيني
تدرين ورب العزه والجلال أحس أني مره مره مره يأست من الحياة
وزياده على ذالك بنات أخواني اللي كنت أشيلهم وأحممهم وأروشهم وأغير لهم الحين صاروا قد الزواج وقبل فتره جا نصيب للكبيره ورفضته
وصاروا البنات اللي كنت أعدهم زي بناتي لو أني متزوجه وأدلعهم واشتاق لهم يعايروني بالعااااااااااااااااانس
يالله قد أيش أتقطع من جوا لمن أسمع كلمة عانس صار بالبيت الكبير والصغير يقولوها لي وكأنه شي بيدي أني اكون عانس
وحالياً أنا أخذ حبوب نفسيه ووقتي كله نوم ونت فقط لاغير لا أطلع ولا أدخل مابي اشوف احد ولا أبغى حد يشوفني أنعزلت عن الناس
لاتظني بأنك بالحياة بروحك بشقا أعرفي ترا عايش معك بالشقا ناس وشوفي مصايب غيرك وتهون عليك مصايبك
ابي أقولك شي يالغلا ثقي ثقه عميااااااااااااااااااااااااا أذا تسكرت أبواب الخلق بوجهك أبواب الخاااااااااااااااااالق مفتوحه لك
لاتفكري حتى مجرد تفكير تدخلي شات تراه باب لضياع أبتعدي عنها نصيحه من أخت تراني مافي شي ماجربته بالحياة ومالقيت السعاده غير بسجادتي
ألجئي للي بيبانه مفتوحه للعباد أدعي الله بانه يرزقك بزوج صالح ويحفظك ويستر عليك
وأكثري من الاستغفار تراه باب من أبواب الرزق < ويرسل السماء عليكم مدرارا ويمددكم بأموال وبنين ويجعل لكم أنهارا
أسأل الله العلي العظيم أن يرزقني وياك وبنات المسلمين أجمعين بالأزواج الصالحين عاجلاً غير أجل
أسأل الله العلي العظيم أن يرزقني وياك وبنات المسلمين أجمعين بالأزواج الصالحين عاجلاً غير أجل
أسأل الله العلي العظيم أن يرزقني وياك وبنات المسلمين أجمعين بالأزواج الصالحين عاجلاً غير أجل
المعذره للأطاله
أستودعك الله اللذي لاتضيع ودائعه أختي الغاليه قويه
|
يالله شكثر ردك أثر فيني لدرجة ماتتصورينها ربي يكتبلك بكل حرف رزق واجر وفرج ويبعد عنك الشر ويرزقك من حيث لاتحتسبين
اختي الغاليه ردك علمني شكثر انا صغيره وضعيفه وماصبرت
وبالنسبه للامور اللي تشوفينها نقص فيك انا ماوافقك فيها العلم تقدرين تاخذينه ماله عمر محدد اختي تزوجت وتركت الدراسه والحين بعد ماجابت عيال كملت ودخلت الجامعه وربي ييسر لها امورها
والجمال كل خلق الله جميل واكيد فيك مواطن جمال ماقدرتي تبرزينها صح وانا مستعده اوقف معاك واساعدك مع اني واثقه انك جميله لكن ماقدرتي نفسك حق التقدير
والوظيفه والله هي رزق من الله لكن مو بكل الاحوال تسعد ياما بنات شقو بسببها لطمع الاهل بالرراتب او الزوج او غيرها فاتركي الامر لله
وامك صدقيني حاسه فيك بس في ناس طبايعها صعبه وماتبين حنانها انا اختي الكبيره ماعرفت تواسيني لو بكلمة مع ان قلبها طيب بس اسلوبها جاف
طوري نفسك غاليتي ولاتيأسين صرت بدل لاتنصحيني انصحك هههه ربي يوفقك ويسعدك الله اعلم انك دخلتي قلبي
اتمنى تقبليني صديقه نتعاون على طاعه الله وندعي لبعض دايم انتي وجميع بنات المنتدى