الغالية جزيرة
وضعك وتقبلك للطلاق ونتايجه يعتمد على امور معينة
منها درجة ثقتك بالله تعالى وقوة دينك ومنها توجهك الفكري
يعني هل لك عالم وطموح خاص او تعيشين بعالم المحيطين بك
ودرجة تاثرك بكلام الناس .. اتصور هالاشياء تحدد تكيفك مع الطلاق
هل بيكون سلبي او ايجابي ..
مثال انا .. الحمد لله صلاتي وديني بديت اهتم فيها الان اكثر
من قبل واراجع حساباتي كثير .. مع اني والله جتني فترة وساوس
شيطانية الله لا يعيدها .. اعتبرها شي اسوء من الطلاق
توجهي الفكري .. لي عالم خاص واهتمامات خاصة ولا يهمني
كلام الناس .. لذلك بعد شهور قليلة من الطلاق بديت نوعا اتحسن
وتتحسن نفسيتي ..
الطلاق شي صعب ما انكر .. ولكنه يظل شي طبيعي من مصايب
الحياة الي كاتبها ربي .. مجتمعنا هو الي يهول موضوعه ..
الاهم هو ان الشخص ما يتسرع بهالقرار .. ولا يتخذه الا بعد اقتناع تام
وبعد ما استنفذ كل الحلول الودية .. تاكدي انك عطيتي نفسك
وقت كثير وبذلتي جهد كبير عشان تصححين حياتك معه ... قبل تعزمين
على الطلاق
الله يرحم ضعفك ويجبر كسرك وييسر لك امرك يا رب
__________________
شتان .. بين من تسيره مبادئه ، ومن تسيره مصالحه