السلام عليكم ورحمة الله وبركاته
سبحان الله لابد من بهارات الحياه الزوجيه
ففعلاً عندما ترى الزوجه او الزوج مشكلتها تحس انها كبيره ولكن نصيحتي لك تصفحي هالمنتدى الجميل
وسترين ان مشكلتك تعتبر لاشي يذكر عندما ترين زوجه تشتكي من زوجها انه يستخدم المخدرات
او انه يخونها او انه يضربها او او او او .
1- صدقيني عند وصول المشكله لاهل الزوجه او اهل الزوج هنا يكون انتكاس الحياه الزوجيه
لان اهلك راح ياخذون موقف من زوجك وراح يكرهونه ويكون الموضوع في يد اهلك وليس في يدك انتي والعكس هل فعلا انتي تتمنين هالشي .
2- انتي قلتي لزوجك كلمة ( قول بدون فعل ) والمعنى الصحيح لها بالعاميه ( زلابه ) يعني ولاشي
امانه ترضين احد يقولها لك وانتي ( انثى) فمابالك اذا قلناها ( لرجل)---- بعيد عما بداخل النيه .
3- قال لك (اذا معجبتك العيشه انقلعي بيت اهلك)انا هالجمله اللي بين قوسين مضايقتني ولا قادره انساها او اتناساها
نسال سوال صريح / هل العيشه معاه ماتعجبك قبل هالمشكله , يعني هل تحبينه ماهو مقصر معك في شي .
تقدرين تنسينها لانه لاجل عين تكرم مداين
4- امانه تصدقين كلام واحد زعلان ومايدري وش يقول وتنسين كل كلامه بوقت الهدوء والروقان . نسيتي كل اموره الايجابية وتذكرتي فقط السلبيات .
5- نصيحه لوجه لله حاولي انك ماتنامين انتي وزوجك اذا حصل بينكم خلاف الا وانتو راضين على بعض .
صلي ركعتين اخر الليل وادعي ان الله يسخره لك ويسهل ولادتك
دعواتي لنا ولكم بالتوفيق