أخوي

الأشياء اللي إنت تطلبها من زوجتك أو خطيبتك ،، نحن نعملها لأزواجنا ..
و إنت ما طلبت المستحيل .. و أي وحدة تهتم في سعادة زوجها تعمله له ..

لكن بالمقابل ( ركز بالمقابل ) ..

1 - المبادرة كانت منه في البداية .. لحد ما تعودت عليه بعد فترة و تعلمت منه .. فصرت أبادره ..
أفتكر كنت مخطوبة له ، كنت أستحي أقول له ( أحبك ) وجها لوجه .. مع إني جريئة مع زميلاتي ..
و حتى يوم استقبله من الباب ، استقبالي يكون بارد تقريبا لإني أخجل من أهلي ..

2 - عمره ما انتقدني و لا جرحني بكلمة ،، الحمد لله و الشكر ..

3 - صار لنا متزوجين و الحمد لله 5 أو 6 سنوات ،، و عدد مرات اللي طبخت له فيها تنعد ..
و ما عمره انتقد أي طبخة و الحمد لله ..

عرفت لييييييييييييييييييييييييييش نحن نغلي أزواجنا ..؟؟؟؟؟

لا تنتقد ..
لا تجرح ..
لا تدقق ..


طيب إنت قلت لها و نبهتها ووووو إلخ و هي وعدتك كثيييييييييييير و ما عملت أي شئ من اللي وعدتك به ..

إنت هنا تفكرني بزوجي لكن بالعكس ..
زوجي يكره الدراسة ، القراية ، و يوعد بكثرة وووو إلخ ..

هل إني جلست أندب حظي ..؟؟؟؟
( مع إنه الطبيعي إنه الرجل هو اللي يكدح و المرأة تحب جلسة البيت .. )

قلت بداخلي .. صح ما يحب الدراسة و القراية .. لكن في المقابل عنده أمور أخرى تغنيني عنها ..
و أنا أحب أقرا و أدرس و أتثقف و ولدي الحمد لله صاير مثلي .. فخلاص بنوزن كذا كفة الميزان ..

زوجي وعوده كثيرة و مليت منها ، علمت نفسي أطنننننننننننننننننننننش و ما انتظر شئ من وعوده ..
مو شرط اني انسانة أنفذ وعودي و التزم بها ، يكون الشخص الاخر مثلي ..



لكن نصيحتي لك .. و بما إن شخصيتك بالشكل هذا ..
لازم وحدة قريبة من عمرك ،، بترتاح و تريح خطيبتك ..