شوف ياخوي ،،

لو إنك رجعت كلمت زوجتك الفترة هذه ، هيبتك أصلا أمام أهلها و أمها راح ( تنكسر ) و اللي راح تنكسر معها
( هيبة أختك و اهلك .. أمك و أبوك ) ..

زوجتك - اسمح لي - عملت المكيدة هذه ،، حتى تقهر أختك و تسبب مشاكل لأختك و زوجها و أختك و اهل زوجها ..
( نحن حريم و نفهم تفكير بعض النسوان .. و حركات زوجتك واضحة جدا ) .. و زوجتك ماهي خايفة من شئ
لإنها ( ضامنتك خلاص ) ..

لكن لو إنك طنشتها لفترة لحد ما تتأدب و تحس بغلطها ،، و تبدأ تخاف منك و تحترمك ..
وقتها إنت راح ترتاح و أهلك و أختك و الجميع ..

اتركها فترة و لا ترجعها غير بشروط ..
1 - ما تنقل مشاكلكم لأهلها ..
2 - تحترم أخواتك بوجودك و وجود أمك و أبوك ..
3 - ما تدخل حالها في حياة أخوها وو أختك ..


اخر شئ ، لازم تجلس مع زوج أختك و تتكلم معه لوحدكم .. إنه كل واحد يخاصم حرمته و كل واحد يخاصم أخته
بإنفراد .. و بعد كذا كل واحد يلزم حده .. و بنتك لا تخاف عليها .. تخيل إنها في إجازة تزور أهل أمها ..

و أمك و أبوك قصدهم إنك ما تعطي لأهل زوجتك أي فرصة إنهم يحطوا الغلط على أختك ..
لإنه في الأخير إنت أخوها .. و إنت شايف كيف أهل زوجها ما احترموا إنها توها عروسة و نكدوا عليها ..
تجي إنت كمان و تقول أختي غلطانة ؟ و زوجتك بنفسها ما تعترف بأغلاطها ؟