السلام عليكم,,

كيفك يا اخوي وكيف نفسيتك الان اتمنا ان تكون افضل واحسن باذن الله, اما بخصوص موظوع بنتك انت ابخص واعلم انا معاك ان الموظوع راح يكون صعب عليك وعليها في البداية وان الانفصال راح ياثر علي نفسيتها وفي وضعها ولكن راح تعرف لما تكبر ان الانفصال حدث بسبب قلت ادب والدتها وعدم احترامها لك وانت تستطيع ان تعوضها ذالك النقص والحنان الي علي مايبدو لي ان ماشافته من والدتها التي رمتها عليك وهي طفله متناسيه الامومه وحنان الام وعطفها ولم تفكر الاا بنفسها وكيف تاثر عليك وتجرح كرامتك ورجولتك وصدقني ماهي كفو تكون ام لااولادك يكفي واحده وطالما انك عرفت معدنها اسحب نفسك من الان قبل ان يصير في رقبتك مسئوليه اطفال وليس طفله وابنتك باذن الله لما يعوضك الله في بنت حلال راح تخاف الله فيك و فيها وبوجودك انت وهيا راح تعوضونها حنان الام, اما بخصوصك انت صدقني حتي لو رجعت لك راح تنعاد عليك نفس المشاكل وتصير شغلك الشاغل وراح يضيع شبابك وتتدهور صحتك بااسبابها وبعد كم سنه راح ترجع وتقول ياليت وياليت ولاراح ينفع الكلام, نصيحتي لك والله اعلم ابعد واسحب نفسك من الان ودور لك علي بنت حلال تخاف الله ومؤدبه تكون نعم الزوجه لك ونعم الام لطفلتك وصدقني طالما انك ماظلمت زوجتك وسرحتها باحسان سوف يعوضك الله من واسع رحمته وانصحك ايضاً بان لاتضلمها في الطلاق ولاتعلقها كما يفعل بعض الازواج عند الطلاق هداهم الله ولا تنسا اخي انك سوف تبحث عن الستر والعفاف فباذن الله سوف يعوظك الله بمن تستاهلك وتنسيك كل مشاكلك باذن الله, بالاخير عندي سوال لك وارجو منك الاجابه الصادقه, هل انت رجل تبحث عن الاستقرار الاسري وراحت البال ورضي الوالدين ام معجب بوضعك وبغضب والدك ووالدتك عليك؟ اسال الله لك التوفيق والسداد وان يزيل همك وهم كل مسلم وان يرزقك الزوجه الصالحه التي تعينك علي امور دينك ودنياك وان يرضيك الله بها ويرضيها بك.