هل انا طبيعيه ؟
السلام عليكم ورحمة الله وبركآته
اخواني واخواتي انا مطلقه من فتره قصيره
فترت زواجي كانت كابوس والحمدلله عدت على خير
تعبت نفسيا بعدها جدا جدا
من كلام الناس عني والاشاعات ومن المجتمع ومن لقب مطلقه واعرف هذا حال كل المطلقات
المشكله الحيين
انا طليقي مادري شنو فيه بالضبط هل هو سحر هل هو عجز
الي اعرفه اني اكرهه كره مو طبيعي كانه قاتل ابوي والله واشد بعد وعمري ما قلتله كلمه حلوة اكرهه حييل
وهو كان يكرهني بنفسه بزياااده كانت شخصيته معدومه وكلامه زي الاطفال ولمساته وكل شي يدل على السذاجه
انا لما يقرب مني اختنق اختنق والله تجيني كتمه بس اذا شفته حتى شلون اذا لمسني
مرات يمسك ايدي ابعدها بقسوة ماااقدر حاولت بس مااقدر
واذا كنت عند اهلي وجا ياخذني اكون متوترة وحزينه وابكي من الحزن والقرف والله كنت اشعر بقرف مو طبيعي
كل وحده مطلقه تبكي على طليقها الا انا ابكي من الفرحه
والله فرحاانه انه طلقني ولما اشوفه الحيين اقول الحمدلله انه طلع من حياتي
انا انسانه حنونه لابعد حد
وعاطفيه جدا المشكله معاه هو بالذات اصير شرسه وقاسيه
كلمت اكثر من شيخ وقال يمكن بينكم ربط
انا ما اشعر بشي نهائيا اللهم لما كان يقرب مني ودي اصرخ واشق هدومي وابكي بالحمام ساعات
وغيره انا طبيعيه جدا الحمدلله اصلي واقرا قران واقرا سورة البقره واتمنى اني اتزوج بس الكابوس اللي مسيطر علي
هو احساسي مع طليقي
كراهيتي له
نفوري منه
ضعفه الجنسي
قرفي حتى من صوته
اكره لمسته ولما يتفرب مني
هل انا مريضه
هل الاشيا هذي راح تسبب بفشلي في زواجي الثاني
خايفه جدا
الحمدلله ثقتي بالله كبيره ولكني خايفه خايفه
الطلاق مر مر
والزواج اللي كنت اعيشه امر واشد فظااعه
ابي احد يريحني بجواب شافي
الحمدلله كما ينبغي لجلال وجهك وعظيم سلطانك