السـلام عليكم
كيـف حالك اخووي الاخلاق
يعلم الله اني سجلـت بالمنتـدى عشان مشكلتك لان كنـت مجرد متابع لدرجه ان لازم يوميا ادخل المنتدى
المهم اخووي بخصووص رأيك الاخير انك تجتمع مع اهل زوجتك
احييك صراحه على هالرأي لانه راح يثبت لهم ان شاري بنتهم
لكــن مسألة الهــديه هذي اكبــر خطــأ ممكـــن تسووويه لان الزوجه لما تكون زعلانه ببيـت اهلها وزوجهـا يجيب لها هديه تسمى رضاوه
واعتقـد ان الرضاوه المفروض تكون لك مو لها
واقولك هذا الشي لان زوجتك والمعذره على هذه الكلمه تفكيرها صغير مثلا ترسل لزوجها وابو بنتها انها تحب حياة العزوبيه ومدري كيف هذا يوضح انك تتعامل مع مراهقه
الافضل عشان تأخذ احترام اهل زوجتك هو انك تدخل وتتكلم بكل وضوح وتحط النقط على الحروف وتقول انا طردت من هالبيت والحين رجعت ودخلته وهذا الشي كبير على اي رجال لكني شاري بنتكم ايضا هالكلام مهم بالنسبه لأم زوجتك لانها شافتك ونت تنطرد من بيتها وبعدين شافتك ونت تدخل وبيدك هديه !!! هذا ماراح يخليها تطلع من حياتك بالعكس بتتدخل بكل شي لانها تحس انك سهل
اقولك قصه حصلت لأمرأه عجوز قريبه لنا اذكر ان عندها بنتين وكلهم متزوجات ومره جت وحده من بناتها تتشكى من زوجها وجت الام وقومت الدنيا وماقعدتها وخلت بنتها تتمرد على زوجها وقعدت البنت عند امها كم شهر وبعدها رجعت لبيتها وفي مره من المرات جت البنت الثانيه تتشكى على موضوع قريب لمشكلة اختها لكن هالمره الام قالت احترمي زوجك وقعدي ببيتك وهذا جنتك ونارك طبعا استغربت البنت وقالت يمه اختي صار لها زي كذا ونتي قلتي ....... قالت الام زوجك غير زوجها !!!
فهمت يااخوي وش اقصد اخر موقف بينك وبين امها ونت تنطرد وبعدها انت داخل بأيدك هديه حتى عند اخوانها ونت تتكلم معهم وتوضح انها اخطأت بحقك هم بعينهم بيشوفون هديه على الطاوله !! صدقني ماراح يعطونك قيمه
وبخصوص زوجتك كما هو واضح انها مراهقه اذا دخلت على المجلس وشافتك جاي وبيدك هديه بتقول ببالها
طردته من بيتنا ورجع بيده هديه!!! ايه مايجي الا بالعيين الحمرا !!! ولكن اذا اعتذرت ورجعت بيتها ممكن تجيب هديها عشان تحس انه الرجل اذا اعطيته حقه واحترامه عطاني من الدلال والهدايا وكذا
هذا رأيي بالموضووووع والله يوفقك دنيا واخره
فيه شطحه خفيفه
قصتك ذكرتني بسالفه كنت جالس مع الوالد الله يخلييه ونتكلم عن الزواج قلت اهم شي الحب ضحك ابووي وقال لا ياولدي اهم شي الاحترام هذا المشكله الي بينك وبين زوجتك عدم احترامها لك
كل شي يجي مع الزمن الحب والموده والاشياء ذي بس الاحترام ترا صعب يجي انا اكره خراب البيووت ولكن فيه رأي قاله اخووي نهار المطيري اعتقد انه افضل لك زوجتك صعبببه وطبعها كذا ممكن الزمن يخفف طباعها ولكن الطبع مايتغير