وش هي ال 21 يوم ؟؟؟؟؟؟ 21 يوم قليلة لكنك تحسك كثيرة لانك عايش المشكلة طول الوقت ... أنا مع الاخوان اللي نصحوك بالابتعاد عن جو المشكلة ... عيش حياتك بالمعطيات الموجودة فيها حاليا ...

من بعد اخر تطورات كتبتها لنا أشوف انك تسوي حساباتك وتخلي تفكيرك انه المرة الجاية اللي بتحاول تكلم فيها زوجتك بعد 6 أشهر ... نعم 6 أشهر ..لا مو كثير . الا اذا هي كلمتك تحاول تصلح معاك .

عندك أمور ثانية غير زوجتك تقدر تفكر فيها .... هذي فرصة كبيرة تستعيد فيها رضى والديك عليك بأي طريقة تشوفها مناسبة .. وما تنسى انه رضى الوالدين يجيب التوفيق بأمور حياتك ..

عندي كلام عن رأيي بزوجتك وعن المسج الثانية اللي أرسلتها لك لكني قررت ما أقوله بعد ما قرأت ردود الاخوان والخوات اللي قبلي ... لكن بقول بس انه الرجال ما يعيبه شي ومهما كان الشي اللي لمحت له بمسجتها ما راح يكون عيب اكبر من انه الزوجة تلمح لزوجها عن شي فيه .. وكأنها قاعدة تعاكس صديقة لها زعلانه منها وعمرها 15 او 16 سنة .


ما أظن انه جلسة بينكم بعد الصلح توضح لها فيها الحدود الحمرا اللي المفروض انها ما تقطعها معاك بتحل المشكلة .... هي تعودت على طريقة معينة بالتعامل معاك وتغيير أسلوبها هذا يحتاج حزم منك .

مو غلط اذا بدأت تفكر بزوجة ثانية ... وبلغ اخو زوجتك بقرارك هذا ...

خلها تحس انها ممكن تفقدك واذا ما همها الأمر سواء فقدتك أو لأ وما غيرت أسلوبها معاك فاسمح لي أخي أقول انها ما تناسبك .