السلام عليكم,, شف يا خوي انا نصحت بالطلاق لاني عارف الاشكال هذي وازيدك من الشعر بيت تراك ماشفت شي لكن الظاهر ان فكرت الطلاق عندك مرفوضه نهائياً, بعطيك نصيحه ثانيه واذا سويتها صدقني باذن الله راح تطلع في نتيجه, النصيحه رررركها عند اهلها من ثلاث الي اربعة اشهر ولا تكلم امها ولا اخوتها حتي في رمظان ولا في الاعياد خليهم يبحلون فيك ولا يعرفون الي في بطنك ولا اخر اخبارك وبعدين زوج اختك لا تخليه يعرف عنك شي ولاتقوله ان ودك تبادر في الصلح لان هذي اخته وانا اجزم انه يلعب علب الحبلين ياخذ اخبارك ويعطيها اخته وهي مبصوطه قاعده اطقطق عليك من بعيد وحتي بنتك عسي الله يصلحها لاتروح انت تاخذها ارسل اخوك الصغير او السواق يجيبها لك لبيت الوالد, ارجع واقولك طنشهم بمعني الكلمه وعش حياتك طول وعرض واستقل هالشهر الفضيل بقرب والديك لان وجودهم نعمه منت حاس فيها عسي الله يحفضهم لك وماتضمن رمظان الجاي راح يكونو موجودين او لا عسي الله يطول في اعمارهم ويرزقك برهم, وانا متاكد لو طنشتها راح هم يسالو عنك وراح هم الي يبحثو عن الصلح وبعدها يكون موقفك اقوي ويكون عندك مجال ان تقول شروطك.