اخوي انت عارف نفسك انك غلطان ليش تكابر وتقول السالفة مزح
اوكي مزح بس بصراحة جارح
الله يهديك ومصيبتك تعتذر وانت مش مقتنع انك غلطان ... وهي صادقة صاير فيلم كل مره ينعاد من حقها تمل
بسبب اعتذارك الغير مقنع هدمت جسر الثقة بينكم
انا اقترح تخليها تدش المنتدى وتقرأ الموضوع
والحل اللي اقترحه عليها هي هو المرووووووووونة
انت شكلك انسان تحب المزح وايد ومافي امامها الا انها تسمعك وتطنشك ولاتاخذك على محمل الجد
ونصيحتي لك كثر التهريج في سوالف الخيانة بيهدم الثقة بينك وبين زوجتك ولاتعود لسانك على ذكر مثل هذي الافكار
النقطة الاخيرة مسألة الوقت هذي انا معاك فيها بشكل نسبي
دام انك متواصل بالبلاك بيري فالسالفة كلها ان هي محتاجة جهد مضاعف منك خاصة بالنسبة لظروف خالتها الصحية الله يشفيها ويعافيها والسرطان الله يجيرنا دايما يعفس العايلة بأكملها
أنت بس حاول انك تعوضها في الايام القادمة وتجي على نفسك حتى لو انشغلت حاول انك ماتنسى تتصل لو دقايق