المشاركة الأصلية كتبت بواسطة الفلوجة

اختي شدخل الاسلام بالي انت فيه
الاسلام اجاز لنا التعلم والدراسة
الاسلام اعطانا حرية التصرف باموالنا
الاسلام خلانا ملك انفسنا
واهم شي الاسلام خلانا اقوياء

أجاز لنا كل شيء بشرط رضى الزوج .... عموما المشكلة مو بالاسلام والا ما كنت أنا هنا الحين ... المشكلة ببعض الرجال اللي ماسكين بعصا الدين وكل ما دافعتي عن حق من حقوقك رفع العصا بوجهك .. بغض النظر اذا الاسلام أعطاه هذا الحق أو لأ ...واذا راجعتي شيخ يقول لك طيعي زوجك ...

انت الغلطانة حتى لو قلك سدي حسابك ليش تسدي
كان اشتريتيلك شقة حتى لو غرفة وصالة وتصدقتي بالايجار

يمكن معاكي حق تقولي اني ضعيفة لكن ما ادري أي عروس عمرها 16 سنة راح تكون بالقوة المطلوبة حتى تحمي حقها خاصة اذا أمها وأبوها كانت وصيتهم الوحيدة لها قبل الزواج بطاعة زوجها حتى لو على حسابهم ...
انا ما اعرف شنو مشكلة زوجك (اكيد عندك موضوع ثاني في تفاصيل)
بس حالة الضعف الي عندك مو طبيعية خليك قوية شوي وطالب بحفك كامل ومكمل

يمكن بسبب زواجي المبكر وفرق العمر بيني وبين زوجي .. خلاه يقدر يسيطر علي من البداية .

وترة عمر الانسان ما يكبر على الدراسة ادخلي معهد وحاولي حتى لو تحصلي دبلوم

واستغفري الله بدل ما تتمني دين ثاني ياخذ نص ما تملكين لشريك الحياة و لا يجبر الزوج للصرف على زوجته