اقتباس:
المشاركة الأصلية كتبت بواسطة smsh
السلام عليكم وكل عام وانتم بخير
انا في جده وين الاقي خبز التوريتلا دورت له بالدانوب ومالقيته وياليت تعطوني طرق حلوه له ؟؟
|
و عليكم السلام و رحمة الله و بركاته
تلاقيه في كل فروع بنده قسم المخابز ب 1,95 ريال و رهيييييييب و لين
هذا الابيض اما الاصفر اللي يكون بدقيق الذرة تلاقيه اما في الثلاجات او في قسم الاكل المكسيكي مع البهارات و توابعه
انا احب اسوي به الفاهيتا باللحم او الدجاج يشوح مع بصل و فلفل رومي مقطع طوال و احطله بهارات مكسيكية من القسم المكسيكي او ملح و فلفل و كمون و ماجي و صوص الصويا المالح يطلع رهيييييييييب
و لمن تحشي الحبات حطي في كل قرص ملعقة صغيرة ساور كريم و شوية من اللحم مع الخضار و جبنة شدر مبشورة و شوية خس و ابرميه و حميه علل الصاج او في ضغاطة الساندويشات و استمتعي باحلى فاهيتا في العالم
و كمان ممكن تعملي بيه الساندويشات العادية و احلى شي اللي تضغطيها في الضغاطة تعطيكي نتيجة مبهرة
او بيتزا سريعة في الفرن او قطعيه مربعات و حمصيه في الفرن و قدميه مع شوربة العدس يم يم
بالعافية هذا بالنسبة للتورتيلا و الباقي ما اعرف له و اتمنى اكون افدتك و البنات ما حيقصرو معاكي اكيد
__________________
رب لا تذرني فردا و انت خير الوارثين