والله يا إخوان ويا أخوات أنا من جد محتار لأن مثل ما قلت لكم الموضوع طويل ومتشابك وفي أمور حصلت كثيرة جعلتي في حيرة كبيرة.
لها تصرفات غريبة أنا أشعر أنها مختلفة عن النساء وكثير من اللي حولي يقولون إن كل الحريم كذا أقصد من ناحية عصيان الزوج والتمرد والتحدي وعدم المبالاة بحقوق الزوج الصغيرة والكبيرة والسهر إلى الصباح والنوم إلى قبل العصر وعدم الاهتمام بغذاء أطفالها وعدم الاهتمام بوجود الزوج أو عدمه والإصرار على تنفيذ طلباتها .
هل كل النساء كذا ؟وهل كل البيوت فيها نفس المشاكل ؟
لما طلقتها المرة الثانية كانت مصرة على إني أطلقها وحاولت أهديها وقلت لها الحين روحي عند أمك وارتاحي وفكري وبعدين يصير خير ، أصرت وصلتها لبيت أمها بعد ما وعدتها إني أطلقها لما وصلنا عند باب العمارة ما رضت تنزل إلا لما أطلقها حاولت وحاولت لكنها أصرت كل الإصرار طبعا لما تلفطت بالكلمة ، انهارت تبكي وما رضت تنزل من السيارة وقعد تقول ما حد فاهمني .
طيب وش أسوي أخليها في البيت تجيب لي الجنان بكثرة المشاكل والعناد وإن طلقتها قالت منت فاهمني عشان كذا خلتني محتار ولما أفتح معاها موضوع عرضها على طبيبة نفسية تقول لالالالا أنت تبي تمسك علي شي وتقول إني مريضة نفسيا وإنها تتعالج عند طبيبة نفسية ، يعني سوء الظن في المقدمه عند على كل تصرف أتصرفه.
وإذا قلت لها نروح عند شيخ يقرأ علينا تقول لا أخاف ومن هذا الكلام.