اقتباس:
المشاركة الأصلية كتبت بواسطة * رزان *
بشرنا اخوي التائب ؟؟؟؟
إن شاء الله كل اموركم تحسنت ؟ 
لا تنسنا تنقل لنا ردة فعل الطفل ؟؟؟؟ ماني قادرة اتخيل و جالسة احكي لزوجي عنكم |
اولآ .. كل عام وانتم بخير وشهر إن شاء الله مبارك .. يشهد الله اشتقك لردودكم ودعواتكم الطيبة .. واعذروني عالتأخير
ابشركم بشارهـ الحمد لله رجعنا لبعض وشوفوها قدامي قاعدة تساعد الوالدة بالسمبوسة
وريحتها بصل هههههههههه
وبدون مااخفي عليكم اول لقاء بعد فراق 4 سنوات كان شي خيالي وطول هاك اليوم وهي تبكي وانا امسح دموعا (( رومانسية لحد النخاع )) وماهي مصدقة بس ما اقول الا حسبي الله على اخوها .. وبالنسبة لولدي الله يصلحة والله ياضحكنا عليه اذا شافني معها يضربني في رجولي ويقولي عييييييييب يلا روح ههههههه وانا وامه نضحك عليه إلى يومكم كل مايشوفنا جالسين جنب بعض يجلس بيننا ههههه
وبالنسبة للهدايا جتنا من كل حدر وصوب وحسيت بفرحة الناس لنا واهمها في يوم الزواج في العصر رجعت للبيت وحصلت سيارة كابريس جديدة واقفة عند البيت وتوقعت في عندنا ضيوف بالبيت ويوم دخلت لقيت اخوي مشتريها لي هدية ووالدي اثث الشقة من جديد واخوي الثاني حجز لي شهر العسل من ثاني العيد في ماليزيا لمدة اسبوع والله ماتصدقون كثر الهدايا اللي وصلتنا الحمد لله حمدآ يليق بجلال وجهه وعظيم سلطانة
و حصلت مشاكل يوم كتابة القران اخوها عند كتابة العقد قام يتشرط ويقول نبيها تسكن ببيت لحالها ونبيها تكمل الماجستير ونبيها ونبيها .... انا تكلمت ورديت عليه بس خالي قاطعني وقال خلاص حنى موافقين
وانا قلت لكم سابقآ كنت متوقع يسوي حركات علشان يستفزني بس ماعليه لااجل عين تكرم مدينة.
واللي قاهرني حاليآ رمضان حا بوقت غلط ومامدانا نسوي شي
بس عندي سؤال ودي اسئلها اياه ومنحرج شوي .. هل كانت حركاتها ذيك تلميح لي او جت بالصدفة تتوقعون تجاوب بصراحة ولا بتنكر ؟
وسلامتكم