السلام عليكم ورحمة الله وبركاته
كل عام وانتم بخير وصحة وسلامة وعساكم من صوامه ويقيامه وينعاد عليكم بالصحة والعافية وكل الاماني الحلوة..
لا اعرف كيف ابدا كلامي المشكلة من نوع اخر انا صارلي فترة عند اهلي وكما تعلمون اني جيت ارتاح عندهم شوي عشان ماحتك بزوجي ونبعد عن بعض شوي وعن المشاكل وجلست في ديرتي مع الاهل
طبعا الاهل هي اختي الاصغر مني وامي الوالد متوفي وامي متزوجة من امريكي بس مسلم هو جالس معها في بيتنا وكم مرة قلت لامي خليه يشتري بيت له وروحي معه تطنشني او تزعل طبعا ماارتاح في بيتنا ابد ونفسيا مااقدر افك حجابي عنده ولا اخذ راحتي في البيت ويتكلم بصوت عالي ومتنرفز على طول وطبعه مرة شين وانا احترمه لاجل خاطر امي حتى مرات يشخط فيني ومرات يعاملني زين مافهمت له متقلب هو بزنس مان يسافر امريكا ويرجع والحين رمضان قلت لامي تكفين خلينا نرتاح منه شوي واشبع بالجلسة معك لانه من يكون معها مستحيل اقدر اتكلم مع امي كلمة على بعضها ,,قامت تصارخ بوجهي وقالت لي روحي بيت زوجك اذا مو عاجبك جلست ابكي وسكت ورحت بردت حرتي بالشغالة وقلت لها روحي نظفي غرفتي طبعا الشغالة لمن سمعت اهانة امي لي قالت انا مب فاضية انظف جن جنوني وقعت اصارخ وابكي لاني حسيت ان الشغالة ماحترمتني وخاصا لما جلست امي تقولي روحي بيت زوجك وازعجتينا ومن ذا الكلام الجارح
المهم حبيت ان الشغالة ماتجلس في البيت وخاصا لما امي حطمت بقيمتي قدامها وصار ترد لي كلمة بكلمة لا تقولوا عني متكبرة والخدامة مو ادمية والله اني اعاملهم احسن معاملة ..ثاني يوم طلبت من امي ياتغادر الشغالة ياانا قالت لي انتي غادري والشغالة ماراح افكها حسيت اني رخيصة وان امي جرحتني بالحيل جلست اللم هدومي وشوي هي دقت على خالتي عشان تمنعني اني اسافر يعني امي ماتقدر تجيني تقولي لا تروحي او تراضيني كلمت اختها عشان تكلمني .استحيت من خالتي وجلست والان انا بغرفتي افطر لوحدي ولا اكلم احد لا الشغالة ولا اختي ولا امي رحت جبت شغالة خاصة فيني عشان تقدم لي الفطور وعلى الاقل اللقى احد اكلمه في البيت ..طبعا بتقولوا لي ليش ماتروحي لزوجك؟ سؤال منظقي
مثل ماعلمتكم اني اتفقت مع زوجي هالسنة اقضي شوي معه وشوي مع الاهل على بال مايجهز لي بيت كويس وياثتته لان بيتي الي بالسعودية ماارتاح فيه وزوجي بفترة رمضان يكون مشغول مع اخوانه وبيته الاول قلت اخليه براحته واقضي مع اهلي رمضان ومنها ابتعد عن زوجي شوي عشان ماودي اخسره
ياجماعة ربي وصاني على امي وادري انها حتى لو تظلمني او تجرحني لازم اصبر ولازم اخضع انا امي ان خاصمتني يوم اتعب وكل شى فيني ينهار مقدر على زعلها وتعودت مني اني دايما اجيها واراضيها لكن هالمرة مابي اراضيها لانها جرحتني ولن اكون عاقة لها الله ياخذ عمري قبل لا اوصل هاليوم لكن بصراحة حسيت انها قست علي كثير تصدقون والله ماحكيت لها لحد الان وش جرى لي مع زوجي ولا حتى حضنتني صرت اغار من زوجها الي اخذها مني ياجماعة قولوا لي هل معي حق اني اقولها روحي اشتري بيت انتي وياه وخلي بيتنا فحاله على الاقل اذا ضاقت بي الارض مع زوجي اجي بيتنا وارتاح؟
هل يحق لي اني ازعل من امي .؟ وخاصا انها ماتتنازل ابد ولا تقول حتى كيفك ولا حتى حاولت تراضيني بكلمة .. مو المفروض تجي وتقولي لا ترفعي صوتك على الشغالة بيني وبيني وبينها مو قدامها تطيح من قدري؟ هل ارجع لزوجي وانا محطمة ؟وش اسوي بالله عليكم ..سامحوني انا جدا تعبانة والله حالي متكدر

__________________