السلام عليكم ورحمة الله وبركاته :
ابي اقولكم قصتي كاملة ... لاني وجعني راسي من كثر التفكير ......
ولد عمي اكبر مني بسنتين و9 شهور ...... وكان دايما عندنا وهو صغير ..... واهله مايفارقونا كمان ...... وكنت انا في نهاية الابتدائي ... ارتاح لما يجينا وكنت افرح فرحة لاتوصف لما يناديني عشان العب معاه ..... وكان عليه اسلوووووووووب ماشفت زيه بحياتي .. لابالافلام ولاغيرها ...... مع انه كان صغير ... اجل كيف لما يكبر .. ولما يجي يوم الجمعة .... يروحون ... يصيبني اكتئاب وحزن ... واجلس اعد الايام بفارغ الصبر .... حتى يجونا مرة ثانية
ولما دخلت المتوسطة ...زاد جماله وجاذبيته ... و زاد حبي له ... وصار يشغل تفكيري ليل ونهار .... ولما اشوفه احس شعور غير عادي ....... بس كان ابوي من النوع المتشدد .... يعني من دخلت ثالث متوسط ... صار يهاوشني اذا قربت منه ..... او تكلمت معاه ........ وصرت دايما احاول اشوفه واراقبه من غير مايدري ......... يعني كان شاغل بالي الى درجة ماتتصورونها ......... الى ان دخلت الثانوية ... وانشغلت بالدراسة والتفوق ونسيته .........
وبعدها دخلت الجامعه .... وبدأت مشاكل بين امي وامه ....... استمرت سنوات .... الى درجة قطعت الاتصال مع بنات عمي ...... واخواني نفس الشي ماعادوا يتكلمون معاهم ....
وبصراحة امه انسانه وقحة ... بشهــــــــــــادة الجميع ..... (( لو اعدد مواقفها السيئة مااخلص ))
وحتى ولد عمي ... تقريبا كرهته ... من التصرفات اللي كان يسويها مع اخواني .....
الى ان تخرجت من الجامعة .... تقريبا تصالحنا .... بس لسا في اشياء بالقلب ماتنمحي .... مع انا نزور بعض الحين .... بس مو زي اول ..
نأتي الى المهم :
قبل سنتين .... خطب ولد عمي بنت من قرايبنا ..... وكانت صدمة لي .... (( لاني ماتوقعته يفكر بغيري )) وبنفس الوقت كنت اقول في نفسي ... يمكن خييييييييرة ابعد عن امه ومشاكلها ... واستمرت الخطوبة سنة كاملة ... بعدها تفاجأوا برفض من والد البنت ... وماادري ليش ؟
وبعدها بأشهر ترك الجامعة ..... وكمان ماادري ليش ؟
والحين انا حصلت على فرصة الاعادة في جامعتي ... وان شاء الله كلها شهرين واباشر ...
لما وصلهم خبر وظيفتي .... بدأت امه تفصح عن اشياء حيرتني كثيييييييير ..... وتقول : ان ابنها يبغاني .. ودايما يقول لامه انا مااريد غير بنت عمي والله مااتزوج غيرها وماالقى بمواصفاتها ووووووو ... الخ
وانا ماادري هل هي صــــــــــــــــادقة في كلامها ام لا ؟
وبالنسبة لامي تقول : هذي كذابة هي وولدها .. لما شافت ولدها ترك الجامعة ... وصعب انه يحصل على وظيفة ... طرا عليها راتبك .... والا ليش ماتكلمت من اول ؟؟؟
وانا عن نفسي احس اني لازم ارفضه بقوة ........ لانها حركة سخيفة منهم .... وتعتبر اهانة في حقي ان وافقت عليه بعد كل اللي صدر من امه .. وكمان موضوع البنت اللي خطبها يقهرني ... وكمان لانه ترك الجامعة واصبح شخص فاشل ... وكمان امي حبيبتي لازم اراعي مشاعرها ... واعزز موقفها برفضي له امام الكل ......
وبنفس الوقت اخاف اندم ... يمكن ولد عمي صادق في مشاعره ... وخصوصا لما اتذكر مقــــــــــدار حبي له وانا صغيرة ... واسلوبه معاي ........
الإشراف :
تم تعديل العنوان ليتناسب مع المضمون .