منتدى عالم الأسرة والمجتمع - عرض مشاركة واحدة

21-08-2010, 06:48 AM

الورده زينب

موقوف

تاريخ التسجيل: Jun 2010

المشاركات: 379

المطلقة والزواج من آخر

السلام عليكم والرحمة

امبارك عليكم وعلينا وعلى جميع المؤمنين والمؤمنات باجي الشهر

مثل ما اتعرفون .... آنه امطلقه

بس آنه مجتمعي ولله الحمد غير بتاتاً في نظرته لَ المطلقه

خصوصاً اذا كانت المطلقه صغيره في العمر

وحتى شبابنا - أغلبهم - عادي عندهم الزواج ب المطلقه شرط إنها ماتكون جبيره

والشرط الثاني إن مايكون طلاقها بسبب عيب خَلقي أو خُلُقي

والحمدلله هذي نعمة في صالحي وفي صالح غيري

حتى باقول لكم موقف يدل على كلامي ..

مره آنه وصديقاتي كلفونا ناس من هلي إن ندور حق واحد من قرايبنا زوجه

في أثناء البحث فيه وحده اقترحت علينا بنت - امطلقه -

وحده ردت عليها ( لالا يبا اتزوجينه امطلقه ؟ اشدعوه ؟ اشناقصه )

الكل بطل عيييينه ع الآخر مستغربين من تفكيرها !!!

لأنه تفكير غريب على البيئة اللي اعيش فيها !

أما الموقف الثاني ..

أغلب المطلقات الصغيرات اللي انعرفهم واللي ماانعرفهم متزوجين عزابيه

يعني الشي مو مستغرب عندنا والمطلقه مو في عزله ومادري شنو ومن هالكلام

والحمدلله طبعاً

بس اللي آآنه افكر فيه .... إذا الريال عادي عنده ياخذ مطلقه ..

هل اهوهـ ما يفكر في المتعة الجنسية اللي ممكن يلقاها مع البكر ؟؟؟

ما ادررري شلون اسأل او ارتب افكار موضوعي

بس اتمنى فهمتوني ..

يعني الريال وقتها مابيظل يفكر لو آنه تزوجت بكر كان احسن ؟؟؟