أخوي الأخلاق

شوف ياخوي النقاط اللي بأكتبها لك بإختصار و بسرعة :

1 - لا أخوها و لا أمها و لا أخواتها ، يقدروا يمنعوها ترجع لك ( بكل اختصار ، زوجتك تكذب عليك )
إن كيدهن عظيم و زوجتك بتعمل مكيدة عشان مصلحتها فقط .. و قلت لك من قبل ،، زوجتك تحب نفسها فقط

2 - شافتك في البداية مطنشها و ما نفعت محاولات الإستفزاز و كل اللي عملته ..
فقالت أدخل له من باب ( الحب ) و ألين راسه .. قامت مشيت معاك ، علشان تستدرجك و تعمل لها اللي في راسها

3 - طيب إيش اللي في راسها ؟؟؟؟
تبغاك تجي ذليل في بيت أهلها ، و تطلب من الجميع إنك ترجعها وو تاخذها ..
و تبان هي عند الكل إنها هي اللي قدرت تمشيك على عجين ما يلخبطوش .. معليه
طبعا ماحد منهم يدري عن إنها قدامك قالت و بكيت وو إلخ .. التمثيلية اللي عملتها لك

4 - حكاية أخوها خاصمها و مادري إيش ( كذب في كذب )
أخوها شخص عاقل بشهادتك و شهادة الجميع ، إنه أهل زوجتك حريمهم هم اللي يمشوا رجالهم

فين أخوها يوم إنها سافرت و ما استأذنت من أحد و يوم إنها تعمل اللي في راسها ؟؟؟
ماحد متحكم فيها ، بس مثل ما قلت لك من قبل ،، الزوجة إذا شافت زوجها يخاف من أخوانها و حاسب لهم حساب
تبدأ تستقوى و تذله بهم ،. و من كم موقف إنت حكيته ، اتضح لي إن زوجتك من النوعية هذه
فإنت يوم تكلمت مع أخوانها و كنت صارم و حازم في كلامك ،، الشئ هذا فاجئهم و فاجئها

5 - يوم إنها كسرت شريحتها و تصرف طائش جدا ، برضو كذابة .. عشان تدق إنت على البيت
و تبان عند الكل إنك إنت اللي تبغاها ترجع لها ،،

6 - إذا فرضا ، فرضا ، فرضا .. أخوها صح خاصمها يوم إنها خرجت معاك
فإحتمال كبير إنها كذبت على أخوها و قالت له و الله زوجي هددني ، و لا زوجي اللي اللي ..
و رمت عليك كل شئ قدامهم ، فأخوها يسمع لها و كانت ردة فعله كذا ..
يعني أخوها مو داري الحقيقة برضو ، إن أخته هي اللي تبغى ترجع

7 - بكل اختصار ..
زوجتك اعتذارها مو من قلبها ، من طرف لسانها .. و هي إذا بترجع لك فتوقعي علشان العيد بيدخل قريب إن شاء الله ،.
و متفشلة تقابل أقاربها و بنات العيلة و هي في بيت أهلها و الحريم راح يطلعوا كلام عنها إن زوجها أرسلها لبيت أهلها
و بعد العيد راح ترجع لأهلها ، و في عيد الحج تعمل لك نفس الشئ و ترجع لك

و تقول رزان قالت