راح اخوض معك هذا النقاش مع اني قلت قبل كذا ما ابغى اطلع من مسار الموضوع

ولكن دفاعك كما قلت غريب وعجيــب اي ردة فعل تتكلمين فيها ؟؟ مشكلة اخته وزوجته كانت قبل فتره طويله وايش دخل زوجها بالموضوع !! وبعدين اللي اعرفه ان امه هي اللي ارسلت رساله معاتبه شديده بعد ماتركت بنتها عند المرأه الكبيره بالسن فتره طويله وهي بمقام الام يعني تتحمل منها قالت لها ضفي بنتك انا منب فاضيه لها هذا اللي اتذكره من الرساله ردت عليها الزوجه وهي ام زوجها !! وارسلت انا الغلطانه !! وكلنا نعرف وش المقصد يعني كأنها تقول انا الغلطانه الي توقعت منك خير ! او توقعت ان فيك خير !!! بالله عليك اي ردت فعل هذي ام زوجها وهي ترمي بنتها عندها ولاتبين العجوز تزعل

ولكن مو غريب فالمرأه هذي معتـاده على رمي بنتها !!
وعشان تعرفين ان الناس معادن نفس اخونا الاخلاق
يوم طردته زوجته كان قدام ام زوجته وما قالت شي يعني كأنها موافقه وفرحانه بالطرده وبعد مارمت بنتها عليه قالت الام خذها تتونـس فيها !!!!!! يعني ماقالت الله يرفع من قدرك ياولدي ولا شي بمعنى شاركت بنتها على طردت زوجها !! ما قال اخونا الاخلاق انا الغلطان ولا شي على ام زوجته بس رد لزوجته تذكري طردتك لي

شفتي ان الناس معادن

والشي الثاني هو بنتها يعني بنتها قعدت مع زوجها 5 ايام وهي عمرها 4 سنين بالله ماسألت بنتي وش تاكل بنتي وش تسوي !! وحتى رجع البنت خالها بعد ماانحرج من تصرفات اخته وقال ماله داعي البنت الصغيره مع الرجال !! تقعد عند امها ومره ثانيه حاولت ترمي بنتها وارسلت لزوجها تعال خذ بنتك !!
اي ردة فعـل !!!

والمضحك بردك انك تقولين بتحافظ على بيتها انا عطيتك قائمه بالاشياء اللي سوتها بالله هذي افعال وحده تبي تحافظ على بيتها !!! هذي انسانه ما ادري كيف اوصفها ونا محترم زوجها وما ابي اقول بعض الاشياء ولكن لو تلاحظيين كل ردودي اكرر هالدعاء الله يعينك اخوي !!
لاننا نعرف هالنوع من النسااء هذي انسانه عايشه بمسلسل كويتي !! واكرر واقول الله يعينه على هالدراما


اما بخصوص غضب الاعضاء لاننا شفنا تصرفها الاخير السيئ جـدا مع زوجها بعد ماكذبت وقالت اخواني رافضيين نهائيا اني اطلع من البيت !! ولازم انت تجي تكلمهم بالله هذي ماتفكر وتقول كرامة زوجي غاليه علي مستحيل اطرده من بيتنا واخليه هو يجي يطلب من اخواني ارجع !! لا ماتفكر كذا ! بس يهمها البرستيج وان نساء العائله مايتكلمون عنها !!


وهذا زوجها نفسه يقول هالكلام


عالعموم انا ماراح اناقشك اكثر من كذا لانه خلاص طلعنا من مسار الموضوع واعتذر لو كان اسلوبي شديد شوي ولكن كلمة شياطيــن الانس استفزتني شوي


بالاخير اقول الله يجعلها اخر المشكلات وحنا والله مو شياطين انس لكن انا شخص اكره الظلم واكره اشوف انسان يتصرف بالطريقه ذي والناس تقول ياسلام تعجبني شخصيتها هذي عندها كرامه وكبرياء !! والله عشنا مع نساء يشوفون ان كرامتهم من كرامة ازواجهم وكبريائهم من كبرياء ازواجهم هذولي الي يصلحون زوجات

وواتمنــى لأخوي الاخلاق كــل خيير
هو وزجتــه والله يهديهــا ويسخرهــا لــزوجهـا وبيتها